Եգիպտոսի Ներգաղթի Եւ Արտագաղթածներու Նախարարը Հանդիպեցաւ Հայոց Թեմի Առաջնորդին Հետ

0000EGYPTE

 

 

0000EGYPTE

 

Գահիրէի մէջ եգիպտահայերուն նուիրուած ձեռնարկին ընդառաջ, Եգիպտոսի ներգաղթի եւ արտագաղթածներու նախարար Նապիլա Մաքրամ հանդիպեցաւ Եգիպտոսի Հայոց թեմի առաջնորդ Աշոտ եպս. Մնացականեանի հետ:

«Հայերն Այսօր»ը, յղում կատարելով եգիպտական «Ալ Ահրամ» թերթին, կը յայտնէ, որ հանդիպման ներկայ էին Եգիպտոսի մօտ Հայաստանի դեսպան Արմէն Մելքոնեան, Գահիրէի Քաղաքական խորհուրդի ատենապետ Վահէ Փլատեան, Հայ Դատի Եգիպտոսի մարմինի պատասխանատու, Գահիրէի Թեմական ժողովի անդամ Արմէն Մազլումեան, Գահիրէի Քաղաքական խորհուրդի անդամ Մարտիկ Պալայեան:

Եգիպտոսի ներգաղթի եւ արտագաղթածներու նախարար Նապիլա Մաքրամ ողջոյնի իր խօսքին մէջ իր ուրախութիւնը յայտնեց Հայաստանի սփիւռքի նախարար Մխիթար Հայրապետեանին՝ Սեպտեմբերի վերջաւորութեան Եգիպտոս կատարելիք այցին առիթով: Նախարարը նաեւ աւելցուց, որ այցի ծիրին մէջ կը նախատեսուին քննարկել երկու երկիրներու միջեւ յարաբերութիւններու ամրապնդման ու զարգացման առնչուող հարցեր:

Առաջնորդ Մնացականեան իր գոհունակութիւնը յայտնեց կազմակերպուելիք ձեռնարկին առիթով՝ նշելով, որ եգիպտահայերը միշտ ապրած են ու կ՛ապրին Եգիպտոսի մէջ փոխադարձ յարգանքի եւ համագործակցութեան պայմաններու մէջ:

Հայոց թեմի առաջնորդարան Եգիպտոսի ներգաղթի եւ արտագաղթածներու նախարար Նապիլա Մաքրամի այցի շարժառիթը «Կիպրացիներու համաշխարհային համաժողով»ի ծիրին մէջ սփիւռքի նախարար Մխիթար Հայրապետեանի հետ հանդիպումն էր, որ տեղի ունեցած էր Յուլիսին, Կիպրոսի նախագահ Նիկոս Անաստասիատիսի նստավայրին մէջ: Հանդիպման ընթացքին նախարար Մխիթար Հայրապետեան ողջունած էր արմատները վերականգնելու նախաձեռնութեան նուիրուած ձեռնարկները՝ պատրաստակամութիւն յայտնելով Հայաստանի մասնակցութիւնը այդ հարցին: Հայաստանի սփիւռքի նախարարը նաեւ կարեւոր համարած էր Եգիպտոսի դերը հայ ժողովուրդը հիւրընկալելու գործին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top