Արդի Արհեստագիտութեան Եւ Գործարարութեան Նուիրուած 4րդ HIVE Համաժողովը՝ Հոկտեմբեր 13ին

0000HIVE

 

0000HIVE

Անցեալ տարուան համաժողովի մասնակիցներէն մաս մը

ՓՈՔՐԻԿ ՀԱՅԱՍՏԱՆ.- Հայաստանի մէջ արդի արհեստագիտութեան նուիրուած ընկերութիւններ հաստատողներուն աջակցելու նպատակով 2014ին հիմնուած «HIVE Ventures»ի նախաձեռնութեամբ՝ Շաբաթ, Հոկտեմբեր 13ին, Երեւանի ԹՈՒՄՕ ստեղծարար արհեստագիտութեան կեդրոնին մէջ պիտի կայանայ 4րդ HIVE համաժողովը։

Արդի արհեստագիտութեան կիզակէտը հանդիսացող Քալիֆորնիոյ Սիլիքոն Հովիտի եւ Հայաստանի միջեւ կամուրջ հանդիսացող այս նախաձեռնութիւնը կը վայելէ Հրայր եւ Աննա Յովնանեաններու հիմնադրամին հովանաւորութիւնը եւ հիմնուած է Նինա Աշաճեանի կողմէ։

Համաժողովին ընթացքին, ներդրումներ կատարելու պատրաստ կողմերը առիթը պիտի ունենան քննարկելու ներկայացուող ծրագիրները, ինչպէս նաեւ տեղի պիտի ունենան ներկայացումներ՝ Սիլիքոն Հովիտէն մասնագէտներու եւ գործարարներու կողմէ։

«HIVE Ventures»ի շնորհիւ, ցարդ կարելի եղած է արդի արհեստագիտութեան ոլորտին մէջ գործող աւելի քան 30 ընկերութեանց համար ներդրումներ ապահովել։ Անոր գործունէութեան մասին յաւելեալ տեղեկութեանց համար, այցելել http://hiveventures.co կայքը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top