«Մշակութային Ազդեցութիւն» Հիմնարկի Անդրանիկ Ձեռնարկը

0000Cultural Impact2

ՓՈՔՐԻԿ ՀԱՅԱՍՏԱՆ.- Ուրբաթ, 7 Սեպտեմբերին, Մշակութային ազդեցութիւն հիմնարկին (Cultural Impact Foundation) անդրանիկ ձեռնարկը, որ դրամահաւաքի նպատակով ճաշկերոյթ մըն էր, տեղի ունեցաւ Հոլիվուտի «Դաղլեան» մշակութային կեդրոնին մէջ, ի զօրակցութիւն ֆիլմարտադրիչ Պարէտ Մարոնեանի «Տիտանային Սէր» («Titanic Love») եւ «Անարիւն. Ժողովրդավարութիւն Կերտող Երիտասարդութիւն» («Bloodless: Youth Forging Democracy» վաւերագրական ֆիլմերու ապագայ ծրագիրներուն:

Արեւմտեան թեմի առաջնորդ Մուշեղ արք. Մարտիրոսեան ներկայ եղաւ հանդիսութեան եւ փոխանցեց իր շնորհաւորական խօսքը:

Նշենք, որ 2017ին հաստատուած սոյն հիմնարկին նպատակն է նեցուկ կանգնիլ մշակութային իւրայատուկ ծրագիրներու, որոնք կը նպաստեն պատմական իրադարձութիւններու յստակացման եւ կը բացայայտեն մարդկային բարերարութիւններն ու հերոսութիւնները:

Ձեռնարկի հանդիսավարն էր տոքթ. Վիգէն Սեփիլեան:

Առաջնորդ սրբազանը կատարեց բացման աղօթքը եւ փոխանցեց իր օրհնութիւնները՝ գնահատելով կազմակերպութեան գործունէութիւնը, ինչպէս նաեւ Մարոնեանի ազգանուէր եւ հերոսական առաքելութիւնը՝ անոնց ապագայ ծրագիրներուն յաջողութիւն մաղթելով:

Ողջոյնի խօսք արտասանեց հիմնարկի վարչութեան փոխատենապետ տոքթ. Հրայր Գութնուեան: Խօսք առաւ նաեւ հիմնարկի վարչութեան ատենապետ տոքթ. Քրիս Սասունի, իսկ Մարոնեան, իր կարգին, ներկայացուց իր երկու նոր ծրագիրները: Երեկոն շարունակուեցաւ գեղարուեստական յայտագիրով:

Ֆիլմերէն առաջինը՝ «Տիտանային Սէր»ը, նուիրուած է Ատլանտեան ովկիանոսին մէջ ընկղմած «Թայթենիք» նաւուն վրայ գտնուած հայերուն, որոնք թրքական հալածանքներէն փախուստ տալով՝ ճամբայ ելած էին դէպի Միացեալ Նահանգներ:

Երկրորդ վաւերագրական ֆիլմը՝ «Անարիւն»ը, նուիրուած է Հայաստանի մէջ այս տարի տեղի ունեցած խաղաղ իշխանափոխութիւնը իրականացուցած ե-րիտասարդական շարժումին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top