Հայկական «Պլանշէթ»ներու Արտադրութիւնը Աճած Է 6.6 Անգամով

0919blanchet

0919blanchet

ԵՐԵՒԱՆ.- Հայաստանի Վիճակագրական կոմիտէի հրապարակած տուեալներուն համաձայն՝ Հայաստանի մէջ 2018ի Յունուարէն Յուլիս ամիսներուն արտադրուած են 724 համակարգիչներ, որ 2017ի նոյն ժամանակահատուածին համեմատ աճած է 2.2 անգամով:

2017ի Յունուարէն Յուլիս ամիսներուն հանրապետութեան մէջ արտադրուած էին 322 համակարգիչներ:

Ըստ վիճակագրութեան՝ Հայաստանի մէջ այս տարուան եօթը ամիսներուն արտադրուած են 364 «պլանշէթ»ներ՝  2017ի նոյն ժամանակահատուածին հետ համեմատած՝ աճելով 6.6 անգամով:

Նոյն վիճակագրութեան մէջ կը փոխանցուի, որ այս տարի հայկական հեռաձայններ չեն արտադրուած, իսկ 2017ի ժամանակաշրջանին, Հայաստանի մէջ արտադրուած էին 330 բջիջային հեռաձայններ:

Նշենք, որ հայկական «Արմֆոն» (Armphone) հեռաձայններու վաճառքը սկսած էր Յունիս 2016ին: Կառավարութեան 4 Յուլիսի նիստին, վարչապետ Նիկոլ Փաշինեան կոչ ըրած էր բոլոր քաղաքացիներուն՝ գնումներ ընելու ընթացքին նախապատուութիւն տալու հայկական արտադրութեան: «Անիկա ե՛ւ հաճելի է, ե՛ւ շահաւէտ, ե՛ւ կը մեծցնէ տեղական արտադրութեան ու արտադրողներու հնարաւորութիւնները», ըսած էր վարչապետը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top