Շամլեան-Թաթիկեան Վարժարանի Շրջանաւարտից Միութեան Տարեկան Եօթներորդ Ձեռնարկը՝ Հոկտեմբեր 13ին

Asbarez_Gendale_Special_cover__268_out
Asbarez_Gendale_Special_cover__268_out

Լուսին Մանճելիքեան, Արտեմ Խաչատուրեան

ԿԼԵՆՏԷՅԼ.- Շաբաթ, Հոկտեմբեր 13ին, երեկոյեան ժամը 7էն սկսեալ, Կլենտէյլի «Ֆինիշիա» ճաշարանին մէջ տեղի պիտի ունենայ Լիբանանի Հայ Աւետարանական Շամլեան-Թաթիկեան երկրորդական վարժարանի Լոս Անճելըսի շրջանաւարտից միութեան տարեկան եօթներորդ ճաշկերոյթ-պարահանդէսը:

Վարժարանի շրջանաւարտներուն, նախկին ուսուցիչներուն, բարեկամներուն եւ բարերարներուն ներկայութիւնն ու քաջալերանքը մեծապէս փափաքելի է:

Միութիւնս իր գործունէութեան եօթը տարիներու ընթացքին յատկանշական օժանդակութիւն առաքած է վարժարանիս:

Հոկտեմբեր 13ի ձեռնարկին ընթացքին, Շրջանաւարտից միութիւնը ծրագրած է պատուել վարժարանիս վաստակաշատ ուսուցչուհիներէն՝ Լուսին Մանճելիքեանը եւ Արտեմ Խաչատուրեանը:

Լուսին Մանճելիքեան ութ տարիներ՝ 1961էն 1969, պաշտօնավարած է իբրեւ մանկապարտէզի ուսուցչուհի, եւ քսան տարիներ՝ իբրեւ Կիրակնօրեայի ուսուցչուհի, տածելով սէր ու գուրգուրանք իր աշակերտներուն հանդէպ:

Իսկ Արտեմ Խաչատուրեան ունի 22 տարիներու ուսուցչական վաստակ, որուն առաջին եօթը տարիներուն (1971-1978) պաշտօնավարած է՝ նախ իբրեւ ուսուցչուհի, ապա իբրեւ Գործարարական գիտելիքներու բաժանմունքի վարիչ, իսկ գաղթելով Ամերիկայի Միացեալ Նահանգներ՝ շարունակած է ուսուցչական ասպարէզը Լոս Անճելըսի ԹՄՄ Արշակ Տիգրանեան վարժարանէն ներս, ցուցաբերելով ծով համբերութիւն ու կատարեալ նուիրուածութիւն:

Ձեռնարկը նաեւ առիթ պիտի ըլլայ պատուելու Շրջանաւարտից միութեան նախկին վարչական անդամներէն Լիզա Մանոյեանը (անդամակցած 2012-2017), Փօլին Պետիկեանը (2014-2017) եւ Վիքի Շահրաշեանը (2015-2017), իրենց կատարած սիրայօժար եւ նուիրեալ աշխատանքին համար:

Ինչպէս միշտ, սոյն ձեռնարկին հասոյթը պիտի յատկացուի վարժարանիս կարօտեալ ընտանիքներու զաւակներուն ուսման կրթաթոշակի ապահովման համար:

Կանխաւ կը գնահատենք եւ մեր երախտագիտութիւնը կը յայտնենք մասնակցողներուն՝ իրենց ներկայութեան եւ օժանդակութեան համար:

Երեկոն պիտի խանդավառէ սիրուած երգիչ Մարտիկ Յովհաննէսեան: Տոմսեր ապահովելու համար, հեռաձայնել հետեւեալ թիւերուն՝ (626) 394-7048 եւ (949) 903-6111:

 

(Թղթակցութիւնը՝

Շրջանաւարտից Միութենէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top