Պաշտպանութեան Բնագաւառին Մէջ Հայ-Ճափոնական Յարաբերութիւնները Կը Զարգանան

0920miljapon

0920miljapon

ԵՐԵՒԱՆ, «Հետք».- 19 Սեպտեմբերին, պաշտպանութեան նախարար Դաւիթ Տօնոյեան ընդունեց Հայաստանի մօտ Ճափոնի արտակարգ եւ լիազօր դեսպան Ճուն Եամատան եւ դեսպանատան ռազմական կցորդ, գնդապետ Ացուսի Տակացէն:

Պաշտպանութեան նախարարը շնորհաւորեց նորանշանակ կցորդը եւ յաջողութիւն մաղթած Հայաստանի մէջ անոր առաքելութեան:

Հանդիպման ընթացքին քննարկուեցաւ պաշտպանութեան բնագաւառին մէջ հայ-ճափոնական յարաբերութիւններու զարգացման հնարաւորութիւնը: Իբրեւ համագործակցութեան հեռանկարային ոլորտներ՝ առանձնացուեցան ռազմական բժշկութեան, աղէտներու հետեւանքներու վերացման ընթացքին զինուած ուժերուն կողմէ փրկարար ծառայութեան տրամադրուող աջակցութեան եւ այլ ուղղութիւններով փորձի փոխանակումը:

Դեսպան Եամատան, իր կարգին նշեց պաշտպանութեան ոլորտին մէջ համագործակցութեան կարեւորութիւնը եւ յայտնեց, թէ յոյս ունի, որ մօտ ապագային շարք մը ուղղութիւններով յառաջընթաց կ՛արձանագրուի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top