Գործող Տնտեսական Կառուցուածքը Չի Բաւարարեր Մեզ, Պէտք Է Լո՛ւրջ Քայլեր Առնենք. Նիկոլ Փաշինեան

0921nigol

0921nigol

ԵՐԵՒԱՆ.- Ներկայիս գործող տնտեսական կառուցուածքը կառավարութեան չի բաւարարեր: Այս մասին, ըստ «Արմէնփրէս»ի, Հայաստանի կառավարութեան այսօրուան նիստին յայտարարած է վարչապետ Նիկոլ Փաշինեան: «Նկատի ունենալով, որ մեր տնտեսութիւնը կը ներկայացնէ գիւղատնտեսական, բայց ո՛չ արհեստագիտական արտադրանք, ինչպէս նաեւ մոլախաղերու ընդերքի արտահանում, այս տնտեսական կառուցուածքը չի կրնար մեզի որեւէ ձեւով ձեռնտու ըլլալ: Մենք կ՛ուզենք, որ մեր տնտեսութիւնը ունենայ հետեւեալ կառուցուածքը՝ բարձր արհեստագիտական արտադրութիւն, տեղեկատուական ճարտարագիտութիւններու ոլորտ, թեթեւ արդիւնաբերութիւն, վերամշակուող գիւղատնտեսութիւն: Մենք պէտք է դիմենք շատ լուրջ քայլերու, որպէսզի այս փոփոխութիւնը տեղի ունենայ: Այս փոփոխութեան շրջանին մենք նաեւ որոշ տնտեսական, ելեւմտական բարդութիւններ եւ դժուարութիւններ պիտի ունենանք, բայց մենք պէտք է դիմենք այդ փոփոխութիւններուն», ըսաւ ՀՀ վարչապետը:

Ըստ Նիկոլ Փաշինեանի՝ ռազմավարական առումով պէտք է բացառել այն իրավիճակը, «երբ կը տեսնենք, որ մեր երկրին մէջ տնտեսական աշխուժութեան շատ լաւ ցուցանիշ կայ, եւ երբ ուզենք հասկնալ, թէ անիկա ի՛նչ ցուցանիշ է, կը պարզուի, որ ոչ մէկ բան տեղի ունեցած է, պարզապէս տեղի ունեցած է ֆութպոլի աշխարհի առաջնութիւն, եւ մեր երիտասարդութիւնը այդ օրերուն զբաղած եղած է գրաւներ ընելով եւ պարտուելով»:

«Բնականաբար, այս հարցերը մենք պէտք է լուծենք», յայտարարեց վարչապետ Փաշինեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top