Ռոհանի Միացեալ Նահանգները Մեղսակից Կը Նկատէ Իրանի Մէջ 28 Զոհ Խլած Ահաբեկչութեան

0925iran

0925iran

ԹԵՀՐԱՆ, «ՌԻԱ Նովոսթի».- Իրանի նախագահ Հասան Ռոհանի յայտարարած է, թէ Միացեալ Նահանգները եւ «Պարսից ծոցի երկիրներէն մէկը» մեղսակից են Իրանի Ահվազ քաղաքին մէջ զօրահանդէսի մը ընթացքին կատարուած ահաբեկչութեան:

Իրանի նախագահին համաձայն՝ Միացեալ Նահանգներ կ՛աջակցի շրջանին մէջ վարձկան զինեալներու եւ անհրաժեշտ օժանդակութիւններ կը տրամադրէ անոնց յանցագործութիւններուն իրականացման համար:

«Մեզի համար յստակ է, թէ ո՛վ ըրած է ատիկա, ո՛ր խմբաւորման կը պատկանի եւ որո՛ւն հետ կապ ունի», ըսած է Իրանի նախագահը:

Նշենք, որ Շաբաթ Սեպտեմբեր 22ին տեղի ունեցած ահաբեկչական յարձակումին իբրեւ հետեւանք արձանագրուեցան 29 զոհեր եւ 60 վիրաւորներ:

Ահաբեկչութեան պատասխանատուութիւնը ստանձնած են «Իսլամական պետութիւն» ահաբեկչական կազմակերպութիւնը եւ «Ահվազի ազատագրութեան արաբական պայքարի շարժում» անունով խմբաւորումը, որ կապեր ունի Սէուտական Արաբիոյ հետ:

Շաբաթ օր զօրահանդէսներ տեղի ունեցած էին նաեւ Իրանի շարք մը այլ քաղաքներու մէջ, ներառեալ՝ մայրաքաղաք Թեհրանի մէջ: Այդ զօրահանդէսները նուիրուած էին 1980-1988 թուականներուն տեղի ունեցած Իրան-Իրաք պատերազմի զոհերու յիշատակին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top