Եւրոխորհրդարանի Պատգամաւոր Էլենի Թէոխարուս Եւ Կիպրոսի Խորհրդարանի Անդամներ Կ՛այցելեն Արցախ

0928ashod

 

0928ashodՍՏԵՓԱՆԱԿԵՐՏ.- Ի հեճուկս Ատրպէյճանի «սեւ ցանկ»ին, միջազգային քաղաքական անձնաւորութիւններ կը շարունակեն այցելել Արցախ: Այս այցելութիւնները գլխաւորապէս կը կազմակերպուին Եւրոպայի Հայ Դատի գրասենեակին կողմէ:

27 Սեպտեմբերին, Եւրոպայի Հայ Դատի գրասենեակի վարիչ Գասպար Կարապետեանի ընկերակցութեամբ՝ Արցախ այցելեցին եւ հանրապետութեան գործադիր ու օրէնսդիր իշխանութեանց ղեկավարներուն հետ հանդիպեցան Եւրոխորհրդարանի պատգամաւոր Էլենի Թէոխարուս եւ Կիպրոսի խորհրդարանի անդամներ Եորկոս Պերթիքիս, Միքայիս Կիորկալաս եւ Կիպրոսի Հայ ազգային քոնկրեսի ղեկավար Նայիրի Մուրատեան:

Պատուիրակութիւնը Ստեփանակերտի մէջ ընդունուեցաւ Արցախի նախագահ Բակօ Սահակեանի, Ազգային Ժողովի նախագահ Աշոտ Ղուլեանի ու արտաքին գործոց նախարար Մասիս Մայիլեանի կողմէ:

0928kasbar

Իր համակրանքը յայտնելով Արցախի ժողովուրդի հանդէպ՝ Էլենի Թէոխարուս իր հանդիպումներուն ընթացքին պատրաստակամութիւն յայտնեց շարունակելու Արցախը միջազգային ընտանիքին մաս դարձնելու ուղղութեամբ աշխատանքները:

Պատուիրակութիւնը այցելեց նաեւ Ստեփանակերտի յուշահամալիր, ծաղիկներ խոնարհեց եւ յարգանքի տուրք մատուցեց Արցախի անկախութեան համար զոհուած հայորդիներու յիշատակին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top