Հայ Իրաւաբանական Միութեան Միջտարեկան Հանդիպումը՝ Հոկտեմբեր 13ին

0000ABA Avetisyan
0000ABA Avetisyan

Ռոպերթ Աւետիսեան

ԼՈՍ ԱՆՃԵԼԸՍ.- Հայ Իրաւաբանական միութեան միջտարեկան հանդիպումը այս տարի պիտի կայանայ Նիւ Եորքի «Քոլոմպիա» իրաւաբանական համալսարանին մէջ՝ Հոկտեմբեր 13ին, առաւօտեան ժամը 8։30էն մինչեւ երեկոյեան ժամը 5։

«Նոր ձեռնարկութիւններու յեղափոխութիւն» խորագրուած հանդիպումին ընթացքին քննարկումներ պիտի կեդրոնանան Հայաստանի մէջ ձեռնարկութիւններ հաստատելու դիմագրաւած մարտահրաւէրներուն եւ անոնց մէջ կարեւոր դերակատարութիւն պիտի ունենայ Միացեալ Նահանգներու մօտ Հայաստանի դեսպան Գրիգոր Յովհաննիսեան, որ պիտի առաջնորդէ՝ «Հայաստանի մէջ նոր ձեռնարկութիւններու առիթներն եւ անոնց դիմագրաւած մարտահրաւէրները» խորագրուած քննարկումը։

Յատուկ ներկայացում պիտի կատարէ Միացեալ Նահանգներու մօտ Արցախի Հանրապետութեան ներկայացուցիչ Ռոպերթ Աւետիսեան, որ պիտի խօսի Արցախի դիմագրաւած ներքին եւ միջազգային մարտահրաւէրներու մասին։

Ծրագրուած են այլ քննարկումներ եւս։ Մանրամասնութեանց համար այցելել՝ www.ArmenianBar.org կայքը։

Գրիգոր Յովհանիսեան

Գրիգոր Յովհանիսեան

Նաեւ, հաւաքին մասնակիցները Հոկտեմբեր 12ին առիթը պիտի ունենան ներկայ ըլլալու Նիւ Եորքի «Մեթ» թանգարանին մէջ Հայաստանի նուիրուած ցուցահանդէսին յատուկ ներկայացման մը։

Հաւաքին համացանցի միջոցաւ ուղղակի պիտի սփռուի դէպի Երեւանի, Գիւմրիի եւ Վանաձորի մէջ հաստատուելիք կապի կեդրոններ։

Յաւելեալ տեղեկութեանց կամ արձանագրուելու համար այցելել՝ armenianbar.org/event/armenian-bar-midyear-meeting-new-york-city կայքէջը կամ դիմել՝

info@ArmenianBar.org, si@israelyanlaw.com ու nyfed@aol.com հասցէներուն եւ

(718) 751-5254 ու (212) 692-0872 թիւերուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top