Հիւսիսային Ամերիկայի Թեմի 60ամեակի Եւ Արեւմտեան Թեմի 45ամեակի Նշում Սան Ֆրանսիսքոյի Մէջ

0000SFBanquet

0000SFBanquet

ՍԱՆ ՖՐԱՆՍԻՍՔՕ.- Ուրբաթ, Հոկտեմբեր 12ին, Արեւմտեան թեմի առաջնորդ Մուշեղ արք. Մարտիրոսեան Սան Ֆրանսիսքօ պիտի մեկնի, նախագահելու համար Ս. Գրիգոր Լուսաւորիչ եկեղեցւոյ հոգեւոր հովիւ Պարոյր վրդ. Շէրնէզեանի եւ Հոգաբարձութեան կազմակերպած տօնախմբութեան, նուիրուած՝ Հիւսիսային Ամերիկայի մէջ Կիլիկիոյ կաթողիկոսութեան  հովանին վայելող թեմի հաստատման 60ամեակին ու Արեւմտեան թեմի 45ամեակին։ Ձեռնարկը տեղի պիտի ունենայ «Խաչատուրեան» Հայ կեդրոնի «Սարոյեան» սրահին մէջ, երեկոյեան ժամը 7էն սկսեալ։ Օրուան բանախօսն է՝ Մարք Ա. սրկ. Շիրին։ Ձեռնարկի սկզբնաւորութեան տեղի պիտի ունենայ Թարգմանչաց Վարդապետաց յիշատակի արարողութիւն։ Գռուզեան-Զաքարեան-Վասպուրական Ազգ. վարժարանի աշակերտները իրենց մասնակցութիւնը պիտի բերեն գեղարուեսատական յայտագիրին։

Նոյն առիթով, Շաբաթ երեկոյեան տեղի պիտի ունենայ հանգանակային հաւաքոյթ մը, հիւրընկալութեամբ տոքթ. եւ տիկին Յակոբ եւ Սիւզի Գույումճեաններուն իրենց բնակարանին մէջ, նախագահութեամբ առաջնորդին եւ կազմակերպութեամբ Ս. Գրիգոր Լուսաւորիչ եկեղեցւոյ հոգեւոր հովիւին, Հոգաբարձութեան եւ Տիկնանց միութեան։

Իսկ Կիրակի օր, հրաւէրովը եկեղեցւոյ հովիւին եւ Հոգաբարձութեան, առաջնորդ սրբազանը Ս. պատարագ պիտի մատուցանէ, դպիրներու ձեռնադրութիւն պիտի կատարէ եւ իր պատգամը պիտի փոխանցէ Ս. Գրիգոր Լուսաւորիչ եկեղեցւոյ մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top