Չորք-Մարզպանի Հայրենակցական Միութեան Տարեկան Դաշտահանդէսը

0000Chork Marzban

0000Chork Marzban

Պարտիզագնացութիւնը այն հիմնական աւանդութիւններէն մէկն է, զոր ժառանգած ենք մեր հայրենակիցներէն: Այլապէս ալ, առողջապահական կազդուրիչ նախաձեռնութիւն մըն է «փիքնիք»ը, բոլոր երկիրներու ժողովուրդներուն եւ այլազան տարիքի անհատներու համար:

Չորք-Մարզպանի հայրենակցական միութեան 2018ի տարեկան դաշտագնացութիւնը տեղի ունեցաւ Կիրակի, Սեպտեմբեր 16ին, Սան Ֆերնանտօ հովիտի «Վուտլի» զբօսայգիին մէջ: Կէսօրուան մօտ, վարչութեան ատենադպիր Գէորգ Յակոբեան բարի գալուստ մաղթեց ներկաներուն, միաժամանակ յիշատակելով ներկայութիւնը ծանօթ մտաւորականներու եւ ազգայիններու:

«DJ Mahig» մթնոլորտը խանդավառեց հայկական եւ եւրոպական եղանակներով: Կէսօրին ներկաները հրաւիրուեցան օգտուելու մատակարար Րաֆֆիի մատուցած համեղ խորովածի տեսակներէն՝ լրացուցիչ աղանդերով:

Օրուան հաճելի անակնկալը Խաչիկ Թանքեանի ու Խաչիկ Զէնեանի յաջորդական, ինքնաբուխ մեներգներն էին:

 

Հայրենակցականի հիմնադիր անդամներ՝ Արտաւազդ եւ Անդրանիկ Գալայճեան եղբայրներու օրինակելի, անվրէպ ներկայութիւնը իրենց տիկիններով, միութենական բոլոր ձեռնարկներուն գօտեպնդիչ գրաւականներէն եղած են Տէօրթ-Եօլի հայրենակցական միութեան գոյատեւման: Իւրաքանչիւր ձեռնարկի ալ իրենց սրտաբուխ նուիրատուութիւնները, ինչպէս այս դաշտագնացութեան ալ, մեծապէս կը սատարեն միութեան աշխուժացման:

Յայտագիրին մէջ «փինիաթա»ի խաղը մեծ խանդավառութիւն յառաջացուց ներկայ փոքրիկներու շրջանակին մէջ, իսկ Լենա Գալայճեան ամէն տարուան նման կազմակերպած էր օրուան վիճակահանութիւնը:

Յետմիջօրէին ընթացք առած նարտիի ու պլոթի մրցաշարքերը ընթացան լարուած եւ հետաքրքրաշարժ մթնոլորտի մէջ:

Պլոթի մրցաշարքին յաղթական դարձաւ Յովհաննէս Նորընծայեան-Ճորճ Սիւմպիւլեան զոյգը, իսկ նարտիի մրցաշարքը շահեցաւ Սեդրակ Եազլեան: Յաղթականները արժանացան յատուկ բաժակներու:

Բարենպաստ եւ յարաբերաբար զով եղանակը ներկաներուն պարգեւեց հանգիստ, բարի եւ ուրախ տրամադրութիւն:

 

(Թղթակցութիւնը՝ միութենէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top