Հանրապետական Մաղթանք Եւ Մատաղօրհնէք Սրբոց Ղեւոնդեանց Մայր Տաճարին Մէջ

0000Hanrabedagan dio

0000Hanrabedagan dio

 

ՊԸՐՊԵՆՔ, «Նոր Օր».- Կիրակի, 23 Սեպտեմբերին, հանդիսապետութեամբ Հիւսիսային Ամերիկայի Արեւմտեան թեմի առաջնորդ Յովնան արք. Տէրտէրեանի, Սրբոց Ղեւոնդեանց Մայր տաճարին մէջ տեղի ունեցաւ Հանրապետական մաղթանք: Պատարագիչն էր տաճարի հոգեւոր հովիւ Խաժակ քհնյ. Շահպազեան:

Առաջնորդը իր քարոզին մէջ ընդգծեց, որ հայ ժողովուրդը ընտրեց ազատ ապրելու եւ բարեշէն իր կեանքը կառուցելու դժուար բայց եւ արժանապատիւ ճամբան: Սրբազան հայրը անդրադարձաւ նաեւ, որ այս տարի Անկախութեան տօնը կը նշանաւորուի այն համգամանքով, որ Հայաստան կը թեւակոխէ պատմական նոր հանգրուան մը իր թաւշեայ յեղափոխութեամբ:

Յաւարտ Ս. պատարագի, դպրաց դասի, սարկաւագներու, քահանայ հայրերու եւ սրբազան հօր գլխաւորութեամբ կազմուեցաւ թափօր մը, որ ուղղուեցաւ դէպի Մայր տաճարի շրջափակը: Սրբազան հօր հանդիսապետութեամբ տեղի ունեցաւ մատաղօրհնէքի արարողութիւնը:

Աւարտին, առաջնորդարանի շրջափակին մէջ պատրաստուած տաղաւարին տակ, հաւատացեալներ ճաշակեցին հարիսան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top