Ֆրասախօս Երկիրներու 17րդ Վեհաժողովը Աւարտեց Իր Աշխատանքները

1013louise1

1013louise1

ԵՐԵՒԱՆ, «Արմէնփրէս».- Ուրբաթ, 12 Հոկտեմբերին, Երեւանի մէջ իր աշխատանքները աւարտեց Ֆրանսախօս երկիրներու միջազգային կազմակերպութեան 17րդ վեհաժողովը: Ժողովը ընդունեց Երեւանեան հռչակագիրը:

Վարչապետ Նիկոլ Փաշինեան ներկայացուց կազմակերպութեան գլխաւոր քարտուղարի ընտրութեան արդիւնքները, որոնց համաձայն այդ պաշտօնին ընտրուած է Ռուանտայի արտաքին գործոց նախարար Լուիզ Միւշիքիուապօն:

Փաշինեան բարձրօրէն գնահատեց գլխաւոր քարտուղարի պաշտօնին Միքայէլ Ժանի կատարած գործունէութիւնը եւ շնորհաւորեց Լուիզ Միւշիքիուապօն նոր պաշտօնին ընտրուելուն առիթով:

Նորընտիր գլխաւոր քարտուղար Լուիզ Միւշիքիուապօ, իր կարգին, շնորհակալութիւն յայտնեց Հայաստանին՝ վեհաժողովը բարձր մակարդակով կազմակերպելուն համար: «Հայաստան գտնուած օրերուս, ամէն տեղ ջերմ մթնոլորտ կար, գեղեցիկ ժպիտներ կային, թէ՛ մեր աշխատանքային վայրին մէջ, թէ՛ դուրսը: Մարդոց հետ շփումը շատ հաճելի էր, Հայաստանէն կը մեկնինք շատ լաւ յիշողութիւններով», ըսաւ տիկին Միւշիքիուապօ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top