Ծանրորդ Կարէն Մարգարեան Դարձաւ Պատանեկանի Ողիմպիականի Ախոյեան

1013garenmarkarian

1013garenmarkarianՀայաստանի ողիմպիական հաւաքականը առաջին մետալը՝ ոսկի, նուաճեց 3րդ ամառնային Ողիմպիական խաղերուն:

Ըստ «Արմէնփրէս»ի՝ ծանրաբարձութեան 77 քկ. կշիռքի դասակարգին մէջ, Հայաստանի ներկայացուցիչ Կարէն Մարգարեան պոկում վարժութեան մէջ բարձրացուց 141 քկ., ապա հրում 168 քկ. եւ երկամարտի 309 քկ. արդիւնքով՝ դարձաւ պատանեկան Ողիմպիական խաղերու ախոյեան, արժանանալով ոսկի մետալակիր: Երկրորդ տեղը, 308 քկ. արդիւնքով նուաճեց Իւզպեքիստանի ներկայացուցիչը:

Ողիմպիական խաղերուն մեր երկիրը ներկայացնող մարզիկները պիտի մրցին 7 մարզաձեւերու մէջ: Մրցավայր մեկնած են ծանրորդներ Կարէն Մարգարեան (77 քկ.) եւ Լիանա Կիւրճեանը (63 քկ.), յունահռոմէական ըմբիշ Սահակ Յովհաննիսեան (60 քկ), թայքուանտոյի մարզիկ Անդրանիկ Խաչատրեան (73 քկ.), Ճիւտոյիստ Եուրի Իսրայէլեան (55 քկ.), հրաձիգ Հայկ Բաբայեան (10 մ. օդամղիչ ատրճանակ), լողորդ Արթուր Բարսեղեան (50 մ., 100 մ. ազատ ոճ եւ 50 մ. պաթըրֆլայ) եւ գեղարուեստական մարմնամարզուհի Եուլիա Վոտոպեանովա:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top