Արցախի Պետական Նախարարը Ընդունեց Յարութիւն Արմէնեանը

1013armenian

1013armenian

ՍՏԵՓԱՆԱԿԵՐՏ.- Արցախի Հանրապետութեան պետական նախարար Գրիգորի Մարտիրոսեան Ուրբաթ, 12 Հոկտեմբերին ընդունեց Հայաստանի Ամերիկեան համալսարանի պատուաւոր նախագահ Յարութիւն Արմէնեանի գլխաւորած պատուիրակութիւնը:

Հանդիպման ընթացքին պետական նախարարը ընդգծեց համալսարանին կողմէ տարիներէ ի վեր Արցախի մէջ իրականացող գիւղական համայնքներու զարգացման «Թրփանճեան» ծրագիրի կարեւորութիւնը: Այս ծրագիրով, բնակիչներուն կը տրամադրուի կրթական եւ տնտեսական հնարաւորութիւններ եւ աշխատատեղեր ստեղծելու ու համայնքներու կեանքը բարելաւելու նպատակով:

Պետական նախարարը երախտագիտութիւն յայտնեց նաեւ բարերար Ճերըլտ Թրփանճեանին՝ զանազան բարեգործական ծրագիրներու միջոցով Արցախին աջակցութիւն ցուցաբերելուն համար:

Յարութիւն Արմէնեան պետական նախարարին վստահեցուց, որ ծրագիրը պիտի շարունակուի, եւ ներկայիս կը բանակցին Շուշիի արհեստագիտական համալսարանին հետ, որպէսզի սեփական ձեռնարկութիւն հիմնել փափաքող շրջանաւարտները նոյնպէս ծրագիրէն օգտուելու կարելիութիւնը ունենան: Զուգահեռաբար, իբրեւ նոր առաջարկ՝ ներկայացուեցաւ նաեւ գիւղերու մէջ անձնական բժշկութիւնը զարգացնելու ծրագիրը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top