Քանի Մը Տողով

– Վրաստանի մէջ ատրպէյճանցի մը ձերբակալուած է՝ կեղծ թղթադրամներ պահելու եւ իւրացնելու մեղադրանքով: Անոր մօտ յայտնաբերուած են 100 ամերիկեան տոլար անուանական արժէքով 617 կեղծ թղթադրամներ։ Ենթական կրնայ 7էն 10 տարուան բանտարկութեան դատապարտուիլ։

– Սուրիական «Սանա» լրատու գործակալութիւնը կը հաղորդէ, թէ Սուրիոյ մէջ «Իսլամական պետութեան» ահաբեկիչներուն դէմ պայքարող միջազգային միաւորումը արգիլուած քիմիական նիւթեր օգտագործած է արեւելեան Սուրիոյ Հաճին քաղաքին վրայ կատարուած օդային յարձակումի մը ընթացքին: Նշեալ քաղաքը կը գտնուի Տէր Զօրէն մօտաւորապէս 110 քլմ. հարաւ-արեւելք:

– Լիբանանի Ընդհանուր ապահովութեան գործակալութեան մօտ արձանագրուած 835 սուրիացի գաղթականներ Հոկտեմբեր 15ին վերադարձան Սուրիա, Դամասկոսի կառավարութեան տրամադրած հանրակառքերով:

– Երկրորդական վարժարանէն շրջանաւարտ չեղած տղմարդոց 10 տոկոսը ամուսնութենէն ետք իր մականունը փոխած է, մինչ այդ համեմատութիւնը միայն 2 տոկոս է համալսարանաւարտներուն մօտ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top