Իտլիպի Մէջ Ծայրայեղականներուն Մէկ Մասը Համաձայն Է Միանալ Սուրիոյ Կառավարութեան Հետ Հաշտեցման Հոլովոյթին

1017Idlib

1017Idlib

 

ՄՈՍԿՈՒԱ.- Ռուսական «ՌԻԱ Նովոսթի» լրատու գործակալութիւնը կը հաղորդէ, որ Սուրիոյ Իտլիպ նահանգի հարաւ-արեւմուտքին մէջ ապօրինաբար գործող զինեալ ծայրայեղականներուն մէկ մասը համաձայն է միանալ Սուրիոյ իշխանութիւններուն հետ հաշտեցման հոլովոյթին:

Լրատու գործակալութիւնը այս տեղեկութիւնը քաղած է Սքալպիա քաղաքի քրիստոնէական ինքնապաշտպանական ջոկատներու ներկայացուցիչէն։

Անոր համաձայն՝ զինեալներէն շատերը սկսած են հասկնալու, որ «անոնց դաշնակիցները նկատուող թուրքերը, ամերիկացիները եւ Ծոցի արաբական երկիրները դաւաճանած են իրենց»:

Զինեալներու այդ որոշումին նպաստած են նաեւ իշխանութիւններուն հետ հաշտեցման նախապէս արձանագրուած քանի մը յաջող օրինակներ:

Իտլիպի հարաւ-արեւմուտքին մէջ հիմնականին մէջ կը գործեն աւազակային զինեալ խմբաւորումներ, որոնք բաղկացած են տեղւոյն բնակիչներէ:

Իտլիպի արեւմուտքը իրավիճակը աւելի բարդ է, որովհետեւ այդ տարածքը իսլամ ծայրայեղական «Նուսրա ճակատ» ահաբեկչական խմբաւորման զինեալներու վերահսկողութեան տակ է:

Յիշեցնենք, որ Սեպտեմբերին Ռուսիոյ նախագահ Վլատիմիր Փութին եւ Թուրքիոյ նախագահ Ռեչեփ Թայիփ Էրտողան համաձայնութիւն գոյացուցած էին Իտլիպի մէջ ընդդիմադիր զինեալ խմբաւորումներու եւ Սուրիոյ բանակի շփման գիծին միջեւ ստեղծել ապազինեալ գօտի մը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top