ՀԲԸՄի «Գրիգոր Սաթամեան» Թատերախումբը Պիտի Ներկայացնէ «Ստախօսը» Կատակերգութիւնը

0000Sdakhos

0000Sdakhos

ՓԱՍԱՏԻՆԱ.- Իր հիմնադրութեան 40ամեակին առիթով, ՀԲԸ Միութեան «Գրիգոր Սաթամեան» թատերախումբը (նախապէս «Արտաւազդ» թատերախումբ) պիտի ներկայացնէ՝ նոր բեմադրութեամբ, իտալացի թատերագիր Քարլօ Կոլտոնիի «Ստախօսը» կատակերգութիւնը:

Բայց ինչո՞ւ «Ստախօսը». որովհետեւ անիկա ՀԲԸՄի Պէյրութի «Վահրամ Փափազեան» թատերախումբի առաջին ներկայացումն էր՝ 1959ին, նաեւ առաջին ներկայացումն էր ՀԲԸՄի Նիւ Եորքի «Արտաշատ» թատերախումբին՝ 1978ին եւ վերջապէս առաջին ներկայացումն էր ՀԲԸՄի Լոս Անճելըսի «Արտաւազդ» թատերախումբին՝ 1981ին:

Թատերախաղը պիտի բեմադրէ ՀԲԸՄի գեղարուեստական ղեկավար Գրիգոր Սաթամեան, իսկ ներկայացումները տեղի պիտի ունենան Փասատինայի ՀԲԸՄի Վաչէ եւ Թամար Մանուկեան կեդրոնի կատարողական արուեստից վերանորոգուած սրահին մէջ, Շաբաթ, Նոյեմբեր 3ին  եւ 10ին, երեկոյեան ժամը 8ին, իսկ Կիրակի, Նոյեմբեր 4ին եւ 11ին, երեկոյեան ժամը 6ին:

Ասկէ ճիշդ քառասուն տարիներ առաջ՝ Նոյեմբեր 1978ին, ՀԲԸՄի Ամերիկայի գործադիր տնօրէն Հայկ Մսրլեան, գեղարուեստական ղեկավար Գրիգոր Սաթամեան եւ Արեւմտեան Ամերիկայի ՀԲԸՄի գործադիր տնօրէն Բարսեղ Գարթալեան որոշեցին կազմել թատերախումբ մը, Լոս Անճելըսի մէջ: Այսպէս, յաջորդ տարին հիմնադրուեցաւ Լոս Անճելըսի «Արտաւազդ» թատերախումբը:

Թատերախաղի տոմսերուն համար կը խնդրուի հետեւիլ մամուլի յայտարարութեանց կամ հեռաձայնել ՀԲԸՄի գրասենեակը, հետեւեալ թիւով՝ (626) 794-7942:

 

(Թղթակցութիւնը՝

թատերախումբէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top