Ազգային Ժողովի Յանձնաժողովը Դրական Եզրակացութիւն Տուաւ Ընտրական Օրէնսգիրքին Մէջ Փոփոխութիւններու Նախագիծին

1020commission

 

1020commission

Հայաստանի Հանրապետութեան Ազգային ժողովի պետական-իրաւական հարցերու եւ Մարդու իրաւունքներու պաշտպանութեան հարցերու մշտական յանձնաժողովը դրական եզրակացութիւն տուաւ Ընտրական օրէնսգիրքին եւ յարակից նախագիծերու ծրարին մէջ փոփոխութիւններու նախագիծին:

Քննարկումին ներկայ յանձնաժողովի բոլոր անդամները միաձայնութեամբ կողմ քուէարկեցին նախագիծին:

Քուէարկութենէն առաջ, ՀՅԴ խմբակցութեան պատգամաւոր Անդրանիկ Կարապետեան յայտնեց, որ ինք յանձնաժողովի նիստին նախագիծին կողմ պիտի քուէարկէ, որովհետեւ իրենք գաղափարական առումով կողմ են փոփոխութիւններուն: «Մենք լիագումար նիստին ընթացքին կը ներկայացնենք մեր առաջարկները եւ կ՛արտայայտենք մեր դիրքորոշումը քուէարկութեան միջոցով», ըսաւ ան:

Ազգային Ժողովի պետական-իրաւական եւ Մարդու իրաւունքներու պաշտպանութեան հարցերու մշտական յանձնաժողովի նախագահ Գէորգ Կոստանեան նոյնպէս կոչ ուղղեց բոլորին՝ կողմ քուէարկելու նախագիծին: «Ես նոյնպէս կ՛առաջարկեմ, որ բոլորը կողմ քուէարկեն նախագիծին, որ յաջորդ ընտրական շրջանը ըլլայ վստահելի եւ երաշխաւորուած մեր քննարկած բոլոր հարցերը նկատի առնելով», յայտնեց Կոստանեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top