Հայ Յեղափոխական Դաշնակցութիւնը Կ՛որոշէ Մասնակցիլ Արտահերթ Ընտրութիւններուն

btr

btr

ԵՐԵՒԱՆ.- Հոկտեմբերի 19-21ին կայացել է ՀՅԴ Հայաստանի 22րդ արտահերթ Գերագոյն Ժողովը, առաջիկայ ՀՅԴ Ընդհանուր Ժողովի օրակարգի քննարկման նպատակով: Ի շարս քաղաքական, կազմակերպական եւ այլ օրակարգերի, Ժողովն անդրադարձել է առաջիկայ համապետական արտահերթ ընտրութիւնների հարցին: Համակողմանի քննարկումների արդիւնքում ժողովն որոշել է մասնակցել արտահերթ խորհրդարանական ընտրութիւններին: Քննարկման աւարտին, ՀՅԴ Հայաստանի 22րդ արտահերթ Գերագոյն Ժողովը միաձայնութեամբ ընդունել է ՀՀ ԱԺ արտահեթ ընտրութիւններին մասնակցելու հարցով առանձին յայտարարութիւն, որը ներկայացնում ենք ստորեւ:

 

ՅԱՅՏԱՐԱՐՈՒԹԻՒՆ

ՀՅԴ ՀԱՅԱՍՏԱՆԻ 22-ՐԴ ԱՐՏԱՀԵՐԹ ԳԵՐԱԳՈՅՆ ԺՈՂՈՎԻ

ՀՅԴ Հայաստանի 22րդ արտահերթ Գերագոյն Ժողովը՝

Արժեւորելով նախընթաց (2015-2018) ժամանակահատուածում կուսակցութեան գործունէութիւնը, քննելով ներքաղաքական վիճակը, առկայ մարտահրաւէրներն ու հնարաւոր զարգացումները,

Կարեւորելով քաղաքական ուժերի միջեւ գաղափարական, ծրագրային հենքի վրայ փոխադարձ յարգանքի հանդուրժողականութեան մթնոլոտում քաղաքական պայքարը,

Իբրեւ ազգային, սոցիալիստական, ժողովրդավարական կուսակցութիւն, նպատակ ունենալով կեանքի կոչել ՀՅԴ արժեհամարկարգից բխող գաղափարական, ծրագրային առաջադրանքները,

Արձանագրելով իր հաւատարմութիւնը ազգային ուղեգծին, Արցախի հանրապետութեան եւ արցախահայութեան իրաւունքների ամբողջական պաշտպանութեան, երկրում սոցիալական ու տնտեսական արդարութեան հաստատման համար պայքարին,

Որոշում է մասնակցել Խորհրդարանական արտահերթ ընտրութիւններին:

Միաժամանակ, Ժողովը՝

արձանագրում է, որ անընդունելի է ընթացիկ Դեկտեմբերին՝ առանց օրէնսդրական լիարժէք փոփոխութիւնների, շտապողական արտահերթ խորհրդարանական ընտրութիւնների անցկացումը,

Իր մտահոգութիւնն է յայտնում կառավարութեան գործունէութեան ծրագրում ամրագրուած ազատ, արդար, թափանցիկ եւ մրցակցային ընտրութիւնների անցկացման համար անհրաժեշտ երաշխիքների ոչ լիարժէք ապահովման կապակցութեամբ,

Փաստում է, որ անցեալի ոչ ցանկալի իրողութիւնների եւ երեւոյթների մերժումն ինքնին չի ենթադրում երաշխաւորուած ապագայ:

Դաշնակցութիւնը, որպէս ընդդիմութիւն, անկախ ընտրութիւնների արդիւնքներից, մշտապէս հանդէս է գալու իր սկզբունքային դիրքորոշումներով, հետեւողական եւ վճռական քայլերով:

 

 

21, Հոկտեմբեր, 2018 թ.

 

Աղուերան

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top