Հանդիպում Արամ Ա. Կաթողիկոսի Եւ Նիկոլ Փաշինեանի Միջեւ

1022pashinian-aram

1022pashinian-aramԿիրակի, 21 Հոկտեմբերի յետմիջօրէին, Մեծի Տանն Կիլիկիոյ Արամ Ա. կաթողիկոսին եւ Հայաստանի Հանրապետութեան վարչապետի պաշտօնակատար Նիկոլ Փաշինեանի միջեւ առանձին հանդիպում մը տեղի ունեցաւ Անթիլիասի մայրավանքին մէջ:

Շուրջ ժամ մը տեւած մտերմիկ հանդիպման ընթացքին արծարծուեցան Հայաստանի ներքին կացութեան, պետութիւն-եկեղեցի յարաբերութեան եւ Հայաստան-Սփիւռք գործակցութեան վերաբերող շարք մը հարցեր:

Նշեալ մարզերուն գծով վեհափառ հայրապետը եւ Փաշինեան իրենց տեսակէտներն ու մտահոգութիւնները փոխանակեցին՝ շեշտելով մեր ժողովուրդին միասնականութիւնը ամուր պահելու, Հայաստանը առաւել հզօրացման մղող աշխատանքներուն շուրջ համախմբուելու եւ Հայաստան-Սփիւռք գործակցութիւնը առաւել ծաւալելու հրամայականը:

Նշենք, որ Նիկոլ Փաշինեան, Արամ Ա. կաթողիկոսին ընկերակցութեամբ այցելեց Հայոց Ցեղասպանութեան յուշարձան-մատուռ, ծաղկեպսակ զետեղեց եւ իր յարգանքի տուրքը մատուցեց նահատակներուն յիշատակին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top