Նիկոլ Փաշինեանի Հանդիպումը՝ Լիբանանահայ Օրաթերթերու Եւ Ձայնասփիւռի Կայաններու Ղեկավարներուն Հետ

102pashinian-journalists

 

102pashinian-journalists

Լիբանան կատարած աշխատանքային այցելութեան ծիրին մէջ, Հայաստանի վարչապետի պաշտօնակատար Նիկոլ Փաշինեան հանդիպում մը ունեցաւ լիբանանահայ օրաթերթերու եւ ձայնասփիւռի կայաններու ղեկավարներուն հետ: Հանդիպումին մասնակցեցան «Ազդակ» օրաթերթի գլխաւոր խմբագիր Շահան Գանտահարեան, «Արարատ» օրաթերթի տնօրէն Անի Եփրեմեան եւ «Վանայ Ձայն» ու «Սեւան» ձայնասփիւռի կայաններու տնօրէններ Վիգէն Աւագեան եւ Միքայէլ Վայեճեան:

Ներկաները գոհունակութիւն յայտնեցին այն առումով, որ նման հանդիպումի մը նախաձեռնութիւնը վարչապետի պաշտօնակատարին կողմէ յատուկ կարեւորութեամբ ընդգծել է ընդհանրապէս հայկական լրատուամիջոցներու ունեցած դերակատարութիւնը:

Շահեկան խորհրդակցութիւն տեղի ունեցաւ յատկապէս Սփիւռքի ներուժը պետականակերտման աշխատանքներուն մէջ ներգրաւելու առաջադրանքին եւ լրատուամիջոցներու ունեցած դերին մասին՝ համահայկական օրակարգ ձեւաւորելու առաջադրանքով տարուելիք աշխատանքներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top