Թրամփ Կը Սպառնայ Պատժել Կեդրոնական Ամերիկայի Երկիրները

1023mex
1023mex

Մեքսիքա հասած գաղթականներուն մէկ մասը

ՈՒԱՇԻՆԿԹԸՆ, «Ռոյթըրզ».- Գաղթականներու դէմ իր պայքարը շարունակելու նպատակով, Միացեալ Նահանգներու նախագահ Տանըլտ Թրամփ Հոկտեմբեր 22ին սպառնաց կասեցնել Հոնտուրասի, Կուաթեմալայի եւ Սալվատորի խոստացուած օժանդակութիւնները, որոնք յաջորդաբար՝ 67.9, 98.3 եւ 45.7 միլիոն տոլարի կը հասնին։

Թրամփ, այդ սպառնալիքով կը յուսայ կասեցնել գլխաւորաբար Հոնտուրասէն մօտաւորապէս 1000 հոգիով ճամբայ ելած եւ այժմ մօտաւորապէս 7000ի հասած գաղթականներու՝ դէպի Ամերիկա քայլարշաւը։ Ան նաեւ կը սպառնայ բանակը գործածել անոնց մուտքը կասեցնելու համար։

Հակառակ անոր, որ քանի մը հարիւր գաղթականներ շաբաթավերջին որոշած են վերադառնալ իրենց տուները, ուրիշներ կը շարունակեն աւելի քան շաբաթ մը առաջ իրենց սկսած հետիոտն արշաւը եւ անոնց մեծ մասը հարաւային Մեքսիքա անցած է արդէն։

Անոնք կը յայտնեն, թէ փախուստ կու տան իրենց երկրին մէջ տիրող բռնարարքներէն, հալածանքներէն եւ աղքատութենէն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top