«Թուրքիոյ Լրատուական Դաշտը Խաւարի Մէջ Է»

1023trk press

1023trk press

ԵՐԵՒԱՆ, «Էրմենիհապեր».- Թուրքիոյ մէջ գործող Ժամանակակից լրագրողներու միութիւնը այս տարուան Յուլիս-Սեպտեմբեր ամիսներուն մասին իր հերթական զեկոյցին մէջ հասած է այն եզրակացութեան, որ երկրին լրատուական դաշտը խաւարի մէջ կը գտնուի:

Հոն կը շեշտուի, որ Ապրիլ 2017ին կայացած սահմանադրական փոփոխութիւններու հանրաքուէէն եւ այս տարուան Յունիսին կայացած խորհրդարանական ընտրութիւններէն ետք Թուրքիոյ մէջ «բոլոր իրաւասութիւնները փոխանցուած են մէկ անձի, որ միաժամանակ իշխող կուսակցութեան նախագահն է»:

Զեկոյցին՝ «Սկզբունքներու ոտնակոխում եւ մենատիրութիւն» խորագիրով բաժինին մէջ ուշադրութիւն հրաւիրուած է այն հանգամանքին վրայ, թէ ինչպէ՛ս իշխանամէտ մամուլը կը փորձէ քօղարկել երկրին բնակչութեան վրայ ազդող տնտեսական ճգնաժամը՝ դէմ կենալով լրագրութեան բոլոր սկզբունքներուն:

Նաեւ քննադատուած է իշխանութեան վարած սխալ արտաքին քաղաքականութիւնը եւ այդ սխալները ծածկելու նպատակով՝ այլ երկիրները հանրութեան իբրեւ «սատանայ» ներկայացնելու ջանքը, մինչդեռ իշխող Արդարութիւն եւ բարգաւաճում կուսակցութիւնը կը ներկայացուի իբրեւ փրկիչ եւ «հրեշտակ»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top