Խաշոկճիի Սպանութիւնը Հաստատած Ռիատը Կը Փորձէ Նուազագոյն Վնասով Դուրս Գալ

1023Khashoggi
1023Khashoggi

Իսկական (ձախին) եւ կեղծ Խաշոկճիները

ՊՈԼԻՍ, «Պի.Պի.Սի.».- Հոկտեմբեր 2ին, Պոլսոյ մէջ Սէուտական Արաբիոյ հիւպատոսարանը մուտք գործելէ ետք անհետացած այլախոհ լրագրող Ճամալ Խաշոկճիի հարցով, շարք մը նորութիւններ արձանագրուեցան շաբաթավերջին։

Արդարեւ, ցարդ Խաշոկճիի սպանութեան մասին լուրերը կտրուկ կերպով հերքած Ռիատի իշխանութիւնները վերջապէս ընդունեցին, որ լրագրողը հիւպատոսարանին մէջ սպաննուած էր, զինք հարցաքննող քանի մը պաշտօնատարներու հետ ֆիզիքական ընդհարումի մը ընթացքին։ Ապա, խմբակը, անոր մարմինը փաթթած է գորգի մը մէջ եւ հիւպատոսարանի ինքնաշարժներէն մէկուն մէջ դնելով՝ դուրս հանած է եւ զայն յանձնած տեղացի մեղսակիցի մը, որ ստանձնած է մարմինը անյայտացնելու պարտականութիւնը։

Խաշոկճին սպաննած խմբակին անդամները ապա սպանութեան վայրը մաքրած են, իսկ  անոնցմէ մէկը, որպէսզի այն տպաւորութիւնը ստացուի, թէ ան հիւպատոսարանէն ելած էր, անոր հագուստները հագնելով ու անոր ակնոցով դուրս ելած է։ Այս բոլորէն ետք պատրաստուած է կեղծ տեղեկագիր մը, որուն մէջ կը նշուի, թէ հարցաքննութենէն ետք Խաշոկճի ազատ արձակուած է։

Ներկայիս 18 անձեր ձերբակալուած են Ռիատի կողմէ եւ անոնք կը հարցաքննուին։ Սէուտական Արաբիոյ իշխանութիւնները կը պնդեն, որ պատասխանատուները պիտի պատժուին, բայց միջազգային գետնի վրայ շատեր կը հաւատան, որ այսպիսի սպանութիւն մը չի կատարուիր առանց իշխանութիւններու գիտակցութեան ու մասնակցութեան։

Իր կարգին, «Նիւ Եորք Թայմզ» օրաթերթը կը գրէ, թէ գոյութիւն ունի ծրագիր մը, որուն համաձայն, Սէուտական Արաբիոյ գաղտնի սպասարկութեան փոխնախագահ Ահմատ Օսէյրի, որ գահաժառանգ Մուհամատ պըն Սալմանի մօտիկ անձնաւորութիւն մըն է, Խաշոկճիի հարցով պիտի վերածուի «քաւութեան նոխազ»ի:

Ըստ թերթին՝ Սպիտակ տան մօտիկ անձնաւորութեան մը ուղարկուած է՝ Խաշոկճիի տագնապը լուծելու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top