Ատրպէյճան Պատրաստ Է Արցախի Գծով Առարկայական Բանակցութեանց. Մամետեարով

1024mamed

 

1024mamedՊԱՔՈՒ, «Armenia.az».- Ռուսական «ՌԻԱ Նովոսթի»ի հետ կատարուած հարցազրոյցի մը ընթացքին, Ատրպէյճանի արտաքին գործոց նախարար Էլմար Մամետեարով 23 Հոկտեմբերին յայտարարեց, թէ Պաքու պատրաստ է շարունակելու Արցախի հակամարտութեան շուրջ առարկայական բանակցութիւնները, որոնց նպատակն է սկսիլ տագնապին հանգրուանային կարգաւորման:

«Կը յուսանք, որ Հայաստանի ղեկավարութիւնը քաղաքական կամք կը դրսեւորէ՝ գործող ձեւաչափի ծիրին մէջ, արդէն յայտնի օրակարգի հիման վրայ բանակցային գործընթացը շարունակելու համար: Եթէ հետեւիք վերջերս կատարուած բանակցութիւններու ընթացքին՝ կը տեսնէք, որ նոյնինքն Պաքուն է, որ բազմաթիւ անգամներ յայտարարած է երկխօսութեանց մէջ յառաջխաղացք ապահովելու կարեւորութեան մասին, որպէսզի կարելի ըլլայ դադրեցնել Ատրպէյճանի տարածքներու բռնագրաւումը եւ հարկադրաբար տեղահանուածները վերադարձնել իրենց տուները», աւելցուց նախարարը:

Մամետեարով նաեւ նշեց, որ Տուշանպէի մէջ Ատրպէյճանի նախագահ Իլհամ Ալիեւի եւ Հայաստանի այդ օրերու վարչապետ Նիկոլ Փաշինեանի միջեւ տեղի ունեցած զրոյցը ցոյց կու տայ բովանդակալից բանակցութիւններու Պաքուի պատրաստակամութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top