Մոսկուայում Իր Գործունէութիւնն Է Սկսում «Լորիս-Մելիքով» Բանավէճի Ֆորումը

0000MOSCOW

 

0000MOSCOW

«Դիալոգ» հասարակական կազմակերպութեան նախաձեռնութեամբ, Մոսկուայում իր գործունէութիւնն է սկսում «Լորիս-Մելիքով» բանավէճի ֆորումը: Այն կոչուած է ձեւաւորելու հասարակական եւ գիտա-վերլուծական հարթակ ժամանակակից գլոբալ եւ տարածաշրջանային քաղաքական գործընթացները քննարկելու եւ արժեւորելու համար: Ֆորումի առաջնահերթ խնդիրներից է հանդիսանում Հայաստանի եւ Ռուսաստանի ներքին եւ արտաքին քաղաքական գործընթացների նկատմամբ համապատասխանաբար հայկական եւ ռուսաստանեան հասարակութիւններում օբյեկտիւ (առարկայական-Խմբ.) վերաբերմունքի ձեւաւորումը: Դրա պարբերական նիստերը կը գումարուեն նուազագոյնը ամիսը մէկ անգամ՝ ռուսաստանեան առաջատար հետազօտական կենտրոնների հետ համագործակցաբար: Բանավէճի Ֆորումը լրացուցիչ պայմաններ կը ստեղծի Հայաստանի, Ռուսաստանի հասարակական-քաղաքական կեանքում եւ աշխարհում տեղի ունեցող հիմնարար իրադարձութիւնների մասին մտքերի փոխանակման, ինչպէս նաեւ հայաստանեան, ռուսաստանեան, տարածաշրջանային եւ համաշխարհային գործընթացների քննարկման ու արժեւորման նոր ձեւերի ու ձեւաչափերի իրացման համար: Ֆորումի խնդիրներից է նաեւ ընդհանուր պատմական, մշակութային եւ քաղաքակրթական ժառանգութեան վերհանումը, պահպանումը եւ փոխանցումը: «Լորիս-Մելիքով» բանավէճի ֆորումի առաջին նիստը, իբրեւ համատեղ գիտական սեմինար տեղի կ՛ունենայ Նոյեմբերի 8ին, Է. Պրիմակովի անուան Միջազգային տնտեսութեան եւ միջազգային յարաբերութիւնների ինստիտուտի (հիմնարկի-Խմբ.) Եւրոպական հետազօտութիւնների կենտրոնի հետ համատեղ: Այն նուիրուած է լինելու միգրացիոն (գաղթի-Խմբ.) գործընթացներին եւ ժամանակակից անվտանգութեան խնդիրներին Եւրոպայում: «Դիալոգ» կազմակերպութեան բանավէճի ֆորումը կրում է ազգութեամբ հայ, ռուսաստանեան պետական գործիչ, գեներալ եւ բարեփոխիչ Միխայիլ Լորիս-Մելիքովի անունը: Նա եղել է Ռուսաստանի Գերագոյն կարգադրիչ յանձնաժողովի գլխաւոր պետը, ներքին գործերի նախարարը, իրականացրել է պետական կառավարման համակարգի արդիականացման բարեփոխումներ:

 

«ԱՌԱՒՕՏ»

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top