Հայաստան Եւ Արցախ Մասնակցեցան Լոնտոնի Միջազգային Զբօսաշրջութեան Ցուցահանդէսին

1110exhibition

1110exhibition

Հայաստանի զբօսաշրջութեան զարգացման հիմնադրամի լրատուութեան եւ հանրային դիւանագիտութեան վարչութիւնը կը տեղեկացնէ, թէ 5էն 7 Նոյեմբերին, Լոնտոնի մէջ տեղի ունեցաւ համաշխարհային զբօսաշրջութեան հեղինակաւոր ցուցահանդէսը (Լանտըն Ուըրլտ Թրեվըլ Մարքեթ):

Ամէն տարի այս ձեռնարկին կը մասնակցին բազմաթիւ երկիրներ, զբօսաշրջութեան մարզի առաւել քան 50 հազար մասնագէտներ: Հայաստանի զբօսաշրջութեան զարգացման հիմնարկը կազմակերպեց հայաստանեան զբօսաշրջութեան գործակալութիւններու մասնակցութիւնը նշեալ ցուցահանդէսին: Հայկական տաղաւարին մէջ ներկայացուեցաւ նաեւ Արցախը՝ ի դէմս Զբօսաշրջութեան զարգացման հիմնարկի եւ զբօսաշրջութեան գործակալութեան: Ձեռնարկի շրջագիծին մէջ հայկական տաղաւար այցելեցին բազմաթիւ հիւրեր, այլ երկիրներու զբօսաշրջութեան ընկերութիւններու ներկայացուցիչներ, լրագրողներ, հայ համայնքի անդամներ:

Արցախի ներկայացուցիչները իրենց մասնակցութիւնը աւարտեցին 6 Նոյեմբերին եւ վերադարձան հայրենիք: Հայաստանը ներկայացնող ընկերութիւնները շարունակեցին մասնակցիլ ցուցահանդէսին մինչեւ 7 Նոյեմբեր:

Արցախի մասնակցութեան երկու օրերուն ատրպէյճանական կողմը բողոք յղեց կազմակերպիչներուն՝ պահանջելով տաղաւարէն հեռացնել Արցախ անուանումը եւ նիւթերը: Սակայն հայկական կողմը ձեռնարկի կազմակերպիչներուն հետ տարած աշխատանքին շնորհիւ՝ ապահովեց Արցախ անունին գործածումը եւ տաղաւարին մէջ գտնուող բոլոր նիւթերու հասանելիութիւնը հիւրերուն:

Արցախեան կողմը կրցաւ յաջողութեամբ ներկայացնել երկրի զբօսաշրջութեան կարելիութիւնները, նաեւ՝ հաստատել գործնական կապեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top