180,000 Տոլար Հաւաքուեցաւ Հայ Կրթական Հիմնարկութեան Տարեկան Ձեռնարկին Ընթացքին

0000Armenian Educational Foundation2

0000Armenian Educational Foundation2

ՅԱԿՈԲ ԲԱՂԴԱՍԱՐԵԱՆԻ ԱՆՈՒԱՆ 100,000 ՏՈԼԱՐԻ ՀԻՄՆԱԴՐԱՄ 

 

ԼԱ ՔԱՆԻԱՏԱ.- Կիրակի, 4 Նոյեմբերին, Հայ Կրթական հիմնարկութեան դրամահաւաքի տարեկան գլխաւոր ձեռնարկը տեղի ունեցաւ Քրիս եւ Մելըտի Պետրոսեաններու բնակարանին մէջ։ Տարիներու ընթացքին, Պետրոսեանները հովանաւորած են Հայաստանի մէջ 10 վարժարաններու նորոգութեան ծախսերը, ինչպէս նաեւ կրթանպաստներ տրամադրած են հայ ուսանողներու եւ կամաւոր սպասարկութիւններ մատուցած Հայ Կրթական հիմնարկութեան վարչութեան եւ տարբեր յանձնախումբերու անդամակցութեան ընդմէջէն։

Ձեռնարկին ներկայ էին Հայ Կրթական հիմնարկութեան 180 անդամներ եւ համակիրներ, որոնք առաւել քան 180,000 տոլար նուիրեցին, նեցուկ կանգնելու համար Հայաստանի, Արցախի եւ Սփիւռքի տարածքին շարունակուող հիմնարկութեան զանազան կրթական ծրագիրներուն։

Յատկանշական էր նաեւ, որ դրմահաւաքին մեծ մասը իրականացաւ նուիրատուներու նոր սերունդի մը ներկայացուցիչներէն։

0000Armenian Educational Foundation1

Ձեռնարկի հիւընկալներ Քրիս եւ Մելըտի Պետրոսեանները

Ձեռնակին ընթացքին յայտարարուեցաւ հանգուցեալ Յակոբ Բաղդասարեանի յիշատակին հիմնադրամի մը հաստատումը՝ անոր ընտանքին կողմէ։ Անոր զաւակը՝ Գեւիկ Բաղդասարեան ըսաւ. «Հայ Կրթական հիմնարկութիւնը կատարեալ միջոցը կը հանդիսանայ բարեսիրական ձեր նպատակներու իրագործման, որովհետեւ նուիրուած գումարին մեծ մասը իր նպատակին կը հասնի, վարչական նուազագոյն ծախսերով։ Մեր ընտանիքը այս իրողութեան եւ անոր ազդեցիկ արդիւնքներուն ականատես դարձած է, այցելելով հիմնարկութեան կողմէ նորոգուած շարք մը վարժարաններ»։

Ձեռնարկին ընթացքին ցուցադրուեցաւ հիմնարկութեան գործունէութեան նուիրուած տեսանիւթ մը, զոր կարելի է դիտել՝ www.youtube.com/watch?v=M1tpur3F6mU կայքէջին վրայ։ Հիմնարկութեան մասին յաւելեալ տեղեկութիւններ փոխանցեց նաեւ անոր նախագահուհին՝ Հերմինէ Փախանեանս, մինչ ձեռնարկի կազմակերպիչ յանձնախումբի ատենապետուհի Ռուպի Բաղդասարեան շնորհակալութիւն յայտնեց նուիրատուներուն՝ շեշտելով, որ անոնց աջակցութեան շնորհիւ Արցախի եւ Հայաստանի մէջ համալսարանական 4 տարիներուն համար կրթանպաստ ստացող ուսանողներուն թիւը պիտի հասնի 257ի։

Հայ Կրթական հիմնարկութիւնը հաստատուած է 1950ին, կրթական սպասարկութիւններ տրամադրելու համար հայ ուսանողներու եւ կրթական հաստատութիւններու՝ Հայաստանի, Արցախի եւ Սփիւռքի տարածքին: Անոր գործունէութեան մասին յաւելեալ տեղեկութեանց համար, այցելել www.aefweb.org կայքը կամ դիմել aef@aefweb.org հասցէին։

1110AEF

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top