Նիկոլ Փաշինեան Այցելեց Մարտական Յենակէտ Եւ Հետեւեցաւ Մարտավարական Զօրավարժութեան

1117nigol

1117nigol

Հայաստանի Հանրապետութեան վարչապետի պաշտօնակատար Նիկոլ Փաշինեան պաշտպանութեան նախարարի պաշտօնակատար Դաւիթ Տօնոյեանի եւ Զինուած ուժերու գլխաւոր շտապի պետի առաջին տեղակալ, զօրավար-գնդապետ Օննիկ Գասպարեանի ուղեկցութեամբ այցելեց Հայաստանի պաշտպանութեան նախարարութեան N զօրամասի մարտական յենակէտ եւ զօրավարժարանին մէջ հետեւեցաւ յատուկ մարտավարական յարձակողական ցուցադրական զօրավարժութիւններուն:

Վարչապետի աշխատակազմի մամլոյ վարչութիւնը կը տեղեկացնէ, Փաշինեան ծանօթացած է առաջնագիծին վրայ առկայ իրավիճակին, այնուհետեւ անոր ներկայացուած է երկրաչափական եւ ամրաշինական կառուցուածքները, յուսալի պաշտպանութիւն իրականացնելու նոր արհեստագիտութիւնները, դիրքերուն մէջ անձնակազմի անվտանգութեան բարձրացման ուղղուած աշխատանքները եւ արհեստագիտական յագեցուածութիւնը:

Փաշինեան ուսումնական կէտին մէջ հետեւեցաւ բարդ լեռնային տեղանքի մէջ մարտական հրաձգութեան մարտավարական զօրավարժութեան, որուն ընթացքին գրոհային մարտավարական խումբերը գործեցին բնագիծերու բարելաւման ուղղութեամբ:

Կառավարութեան ղեկավարի պաշտօնակատարը զրուցեց մարտական հերթապահութիւն իրականացնող զինծառայողներու եւ հրամանատարներու հետ, շնորհակալութիւն յայտնեց անոնց անձնուէր ծառայութեան համար: Փաշինեան խրախուսեց դիրքապահ զինծառայողները եւ անոնց մաղթեց առողջութիւն ու խաղաղ ծառայութիւն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top