Հայաստան Համահայկական Հիմնադրամէն Գումարներ Չեն Կորսուած

2018 Telethon-Armenian-Logo-OL

2018 Telethon-Armenian-Logo-OL

Հայաստան Համահայկական հիմնադրամի գումարներու կորուստ չէ եղած: Այս մասին Ֆրանսայի մէջ յայտարարեց Հայաստան Համահայկական հիմնադրամի գործադիր տնօրէն Հայկակ Արշամեան ֆրանսահայ «Այբ» (AYP) ռատիօկայանի «Հայաստանը Այսօր» հաղորդաշարի եթերով:

Հայկակ Արշամեան Փարիզ կը գտնուի ամէնամեայ ֆոնեթոնին մեկնարկը ազդարարելու նպատակով:

«Համահայկական ուժերով Հայաստանը կրնանք դարձնել մեր երազանքներու երկիրը», յայտնեց Արմաշեան՝ աւելցնելով, որ շուտով պիտի աւարտին հիմնադրամին մէջ տեղի ունեցող ստուգումները: «Ըստ նախնական տուեալներու՝ հիմնադրամի գումարներու կորուստ չէ եղած: Հիմնադրամը կը շարունակէ գործել թափանցիկ: Նուիրրուած իւրաքանչիւր սենթ պիտի ուղղուի իր նպատակին»։

Խօսելով Հայաստան հիմնադրամի յետագայ ծրագիրերուն մասին՝ Արշամեան ըսաւ, որ հիմնադրամը պէտք չէ կեդրոնանայ միայն շինարարութեան վրայ: «Անշուշտ, շատ կարեւոր է ենթակառուցուածքներու զարգացումը: Սակայն, ես կը փափաքիմ, որ հիմնադրամը նաեւ բովանդակային ծրագիրներ իրականացնէ: Մենք պէտք է Հայաստանը դարձնենք միտք արտադրող երկիր: Պէտք է զարկ տանք հիմնադրամի միջոցով նորարարութեան նոր բարձր արհեստագիտութիւններուն, մենք պէտք է զարկ տանք երկրի մշակոյթի ու արուեստներու զարգացման: Նաեւ մենք Հայաստան հիմնադրամի միջոցով պէտք է դարձնենք կանաչ ուժանիւթի երկիր», նշեց Արշամեան:

Հիմնադրամի գործադիր տնօրէնը յայտնեց, թէ յոյս ունի, որ մօտ ապագային Հայաստան աշխարհի մէջ կը դառնայ իւրայատուկ ցանցապետութիւն: Ատոր համար կայ Սփիւռքը. անհրաժեշտ է միայն ամրացնել կապերը:

Ֆրանսայի մէջ մեկնարկած է ամէնամեայ ֆոնեթոնը, որ պիտի շարունակուի մինչեւ 18 Նոյեմբեր: Ֆոնեթոն-2018ին մասնակցելու համար, Ֆրանսա մեկնած է Արցախի նախագահ Բակօ Սահակեան: Ֆոնեթոնին հաւաքագրուած գումարները պիտի ուղղուին 2019ին Հայաստանի եւ Արցախի մէջ իրականացուելիք ծրագիրներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top