Հաւատքի Եւ Յանձնառութեան Քուէն

garoarmenian

ԿԱՐՕ ԱՐՄԵՆԵԱՆ

 

garoarmenianԿ՛ուզէք գիտնալ, թէ ինչպէ՛ս ընտրուած են անցնող երեք նախագահներն ու երկու վարչապետները:

Անոնք ընտրուած են յուսահատութեան, մղձաւանջի, հոգեբանական անզօրութեան եւ բարոյալքութեան քուէներով: Անոնք չեն ընտրուած ազատ քաղաքացիի կամարտայայտութեամբ: Անոնք չեն ընտրուած երկրի թռիչքը հոյակերտելու վճռակամութեամբ: Անոնք չեն ընտրուած երկրի ներքին եւ արտաքին սպառնալիքներուն հուժկու կորովով հակադարձելու կամքով: Անոնց շուրջ կազմուած եւ կազմուող «մեծամասնութիւնները» երկրին պարտուողականութիւնն են, որոնք կը խորհրդանշեն եւ կը մշտնջենաւորեն: Այդ խախուտ «մեծանասնութիւններուն» մէջ չկայ մեր ազգային հպարտութիւնը: Անոնք կը ներկայացնեն մեզի համար անընդունելի ներկայ իրավիճակը: Ներկայի անփոփոխ, անկերպարան, ամօթալի status quo-ն:

Իմ սրտագին ցանկութիւնն է եւ կոչը, որ վաղը մեր հայրենիքի քաղաքացիները իջնեն քուէատուփ իրենց հզօր կամքը դնելով պատմութեան նժարին վրայ եւ ընտրեն ազատ մտքով, ազատ ոգիով, ազատ կամքով: Տան իրենց քուէն կեանքը հիմնովին փոխելու հաստատակամութեամբ: Տան մարդու իրենց տեսակին եւ երկրի գերազանցութեա՛ն համար:

Այս երկիրը պիտի փոխուի, պիտի յեղափոխուի՛, որպէսզի ամէն հայ վերագտնէ իր հպարտութիւնը: Իմ կուսակցութիւնս այս արմատական առաջադրութիւնն է, որ դրած է երկրին առջեւ եւ այդ առաջադրութեամբ զօրաշարժի ենթարկած բոլոր իր ուժերը երկրի եւ արտերկրի մէջ: Բարոյական այս հզօր պայմանագի՛րը՝ մեր ժողովուրդին եւ պատմութեան հետ: Հաւատքով եւ յանձնառութեա՛մբ:

Բարի երթ բոլորին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top