Մամետեարով 2019ին Արցախի Հարցով Վճռական Քայլեր Կ՛ակնկալէ

1207mamed

1207mamedԵՐԵՒԱՆ, «ՓանԱրիմիըն».- Հայաստանի արտաքին գործոց նախարարի պաշտօնակատար Զօհրապ Մնացականեանի հետ 5 Դեկտեմբերին իր ունեցած «շատ օգտակար» խորհրդակցութեանց անդրադառնալով, Ատրպէյճանի արտաքին գործոց նախարար Էլմար Մամետեարով յայտարարած է, թէ 2019ին պէտք է վճռական քայլեր առնուին Արցախի տագնապի կարգաւորման ջանքերուն մէջ՝ «աւելցնելու համար տարածաշրջանին մէջ խաղաղութիւն հաստատելու եւ բարգաւաճում ապահովելու կարելիութիւնները»։

Ըստ ատրպէյճանական «Հաքքին» լրատուական կայքին՝ նախարարը այս հաստատումը կատարած է Միլանի մէջ տեղի ունեցած ԵԱՀԿի արտաքին գործոց նախարարներու խորհուրդի տարեկան նիստին ընթացքին։

Մամետեարով նաեւ յատկանշական համարած է այն իրողութիւնը, որ վերջին քանի մը տարիներուն ընթացքին առաջին անգամն ըլլալով կարելի եղած է հանդիպման աւարտին համաձայնեցնել յայտարարութեան գրութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top