Անգլիոյ Տարպի Քաղաքը Դարձաւ Ցեղասպանութիւնը Ճանչցող Անգլիոյ Առաջին Քաղաքը

1207derby-Council-house

1207derby-Council-house

ԼՈՆՏՈՆ.- Բրիտանիոյ Հայ Դատի յանձնախումբը կը տեղեկացնէ, թէ Անգլիոյ Տարպի քաղաքապետական խորհուրդը միաձայնութեամբ քուէարկելով՝ պաշտօնապէս ճանչցաւ Հայոց Ցեղասպանութիւնը, դառնալով պատմական այդ իրողութիւնը ընդունող Անգլիոյ առաջին քաղաքը։

Հայ Դատի յանձնախումբը շնորհակալութիւն յայտնեց քաղաքապետական խորհուրդին եւ մասնաւորաբար Ռասըլ Փոլարտին, որ կենսական դերակատարութիւն ունեցած էր այս իրագործումին մէջ։

Թուրքիա, իր կարգին, ճնշում բանեցուցած էր քաղաքապետական խորհուրդին եւ քաղաքապետին վրայ, բանաձեւը ձախողութեան մատելու նպատակով, սակայն ձախողած էր։

Անգլիոյ Տարպի քաղաքը մօտաւորապէս 250,000 բնակչութիւն ունեցող քաղաք մըն է, որ  հետաքրքրականօրէն հայ համայնք չունի։

Նշենք, որ Փոլարտ հրէական Ողջակիզման յիշատակութեան կազմակերպութեան մը գործօն անդամներէն մէկն է։ Ան իր ջանքերուն մասին հետեւեալը գրած է. «2015էն ի վեր մաս կը կազմեմ կամաւորներու խմբակի մը, որ աշխատանք կը տանի, որ ճանաչուին հրէական Ողջակիզման եւ անկէ առաջ կամ ետք կատարուած ցեղասպանութիւնները»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top