Ծառուկեանի Հարստութիւնը՝ Ըստ Իր Յայտարարագրին

1207dzarougian1

1207dzarougian1ԵՐԵՒԱՆ, «ՓանԱրմինիըն».- 9 Դեկտեմբերին տեղի ունենալիք ընտրութիւններուն նախաշեմին, պատգամաւորութեան թեկնածուները ներկայացուցած են իրենց ունեցուածքի յայտարարագիրները:

«Բարգաւաճ Հայաստան» կուսակցութեան նախագահ, գործարար Գագիկ Ծառուկեանի յայտարարագիրին համաձայն՝ 1 Նոյեմբեր 2017էն 1 Նոյեմբեր 2018, Գագիկ Ծառուկեանի եւ իր կնոջ՝ Ջաւահիրի եկամուտները շահաբաժիններէ, աշխատավարձէ, տուած փոխառութիւններէ ստացուած տոկոսներէ եւ այլ գործարքներէ կազմած է 4 միլիառ 207 միլիոն դրամ, 1.8 միլիոն եուրօ:

Յայտարարագիրը ներկայացնելու օրուան դրութեամբ՝ Ծառուկեան ունէր 161.3 միլիոն տոլար, 29 միլիոն եուրօ եւ 678,509,000 դրամ (շուրջ 1.404 միլիոն տոլար) դրամական միջոցներ:

Նշուած գումարներէն բացի, Ծառուկեան բաժնեմասեր ունի 45 ընկերութիւններու մէջ, որոնց շարքին են՝ «Արարատ Ցեմենտ»ը, «Կոտայք» գարեջուրի գործարանը, «Երեւանի Արարատ կոնեակի գինու գործարան»ը, «Օնիրա Քլաբ»ը:

8 միլիոն դրամ արժէքը գերազանցող գոյքերու շարքին, Ծառուկեան թուարկած է 930,235 եուրօ ընդհանուր արժողութեամբ կահոյք, 251,799 եուրօ արժողութեամբ վարագոյրներ, 1.8 միլիոն տոլար ընդհանուր արժէքով 6 ժամացոյցներ եւ 3 մատանիներ՝ 3 միլիոն տոլար արժէքով:

Անշարժ գոյքի շարքին յայտարարագրուած է 8 հողամասեր՝ 35.2 հեկտար ընդհանուր մակերեսով, եւ շուրջ 7560 քառակուսի մեթր մակերեսով 5 շինութիւններ:

Ծառուկեան յայտարարագրած է նաեւ 13 ինքնաշարժներ՝ 2 Rolls Royce Phantom 6.7, 1 Bentley Bentayga, 2 Toyota Land Cruiser 200, 1 Toyota Land Cruiser Prado, 2 BMW X5, Mercedes G63 AMG, Toyota Tundra, Jeep Wrangler, Range Rover Sport, Nissan Patrol:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top