Արարայի Ճակատամարտի Յաղթանակի Հարիւրամեակի Տօնախմբութիւն

0000captain_jim_chankalian

0000captain_jim_chankalianԱԼԹԱՏԻՆԱ, «Պայքար».- Թէքէեան Մշակութային Միութեան նորակազմ՝ Մեծագոյն Լոս Անճելըսի մասնաճիւղի վարչութեան կազմակերպութեամբ, Կիրակի, 18 Նոյեմբերի յետմիջօրէին տեղի ունեցաւ Արարայի ճակատամարտի յաղթանակի հարիւրամեակի տօնախմբութիւնը՝ Ալթատինայի ԹՄՄ «Պէշկէօթիւրեան» կեդրոնի սրահին մէջ: Հանդիսավարն էր վարչութեան փոխատենապետ Ալեքս Կիրակոսեան:

ՀԲԸՄի Փասատինա-Կլէնտէյլ մասնաճիւղի սկաուտներուն եւ արենուշներուն առաջնորդութեամբ տեղի ունեցան դրօշակի արարողութիւնը եւ Հայաստանի Հանրապետութեան քայլերգի յոտնկայս ունկնդութիւնը: Ապա բեմ հրաւիրուեցաւ Լոս Անճելըսի մօտ Հայաստանի հիւպատոստանի երկրորդ քարտուղար Քանա Յովհաննէսեան, որ արտասանէ իր սրտի խօսքը: Հայերէնով ելոյթ ունեցաւ տոքթ. Զաւէն Արսլանեան: Ան ընթերցեց կենսագրականը իր մեծ հօր՝ Գասպար Մենակի, որ Միացեալ Նահանգներ հաստատուելէ ետք վերադարձած եւ մասնակցած էր Արարայի ճակատամարտին, Հայկական լեգէոնին հետ: Հայկական Լեգէոնը կը բաղկանար 4000 կամաւոր զինուորներէ, որոնց 1200ը մեկնած էր Միացեալ Նահանգներէն:

Գեղարուեստական յայտագիրին մաս կը կազմէին Փաթիլ եւ Սինթիա Ալպարեաններու պատանի եւ մանուկ աշակերտները, որոնք մեծ ոգեւորութեամբ ներկայացուցին հայկական տոհմիկ պարեր, արժանանալով հանդիսատեսներու անվերապահ գնահատանքին:

Օրուան գլխաւոր բանախօսն էր պատմաբան Արամ Արքուն, վարիչ տնօրէնը Թէքէեան Մշակութային Միութեան Միացեալ Նահանգներու եւ Գանատայի կեդրոնական վարչութեան եւ թոռը լեգէոնական Ռուբէն Չաքըրեանի: Ան անգլերէնով եւ սահիկներու ցուցադրութեամբ մանրամասնօրէն ներկայացուց գնդապետ Ճիմ Չանգալեանի կենսագրականը եւ առնչութիւնը Հայկական լեգէոնի ամերիկեան բաժինի կազմակերպութեան եւ Արարայի ճակատամարտին մասնակցութեան:

Ապա բեմ հրաւիրուեցաւ Հայաստանեայց առաքելական եկեղեցւոյ Արեւմտեան Ամերիկայի նախկին առաջնորդ Վաչէ արք. Յովսէփեան, որ արտասանէ փակման խօսքը: Սրբազան հայրը նշեց, որ երբ հովուական պաշտօնով կը գտնուէր Նիւ Ճըրզի, շատ լսած էր գնդապետ Չանգալեանի մասին, որուն հանդէպ խոր ակնածանք եւ յարգանք կը տածէին այդ եկեղեցւոյ ծուխի անդամները:

Հետաքրքրական է գիտնալը, որ ներկաներուն մէջ կը գտնուէր նաեւ գաղութիս յայտնի գործատէր Համբիկ Նազիրեան, թոռը լեգէոնական Համբարձում Նազիրեանի, որ թաղուած էր Երուսաղէմի Ս. Փրկիչ գերեզմանատան մէջ գտնուող Արարայի ճակատամարտի նահատակներուն նուիրուած յուշարձանին առջեւ:

Յուշահանդէսի աւարտին տեղի ունեցաւ պատշաճ հիւրասիրութիւն եւ հանդիսականները առիթը ունեցան զրուցելու, յայտագիրին մասնակցողներուն հետ:

Վարձքը կատար կազմակերպող մասնաճիւղի բոլոր անդամներուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top