Արեւմտեան Թեմի 45ամեակին Առիթով Եպիսկոպսական Պատարագ Կլենտէյլի Ս. Աստուածածին Եկեղեցւոյ Մէջ

000060th-45th-Badarak

000060th-45th-Badarak

ԿԼԵՆՏԷՅԼ.- Արեւմտեան թեմը այս օրերուն կը տօնախմբէ իր հիմնադրութեան 45րդ տարեդարձը, որ նաեւ 60րդ տարեդարձն է Հիւսիսային Ամերիկայի մէջ Կիլիկեան Ս. Աթոռի հովանին վայելող թեմի հիմնադրութեան։

Զոյգ յոբելեաններուն առիթով, թեմի առաջնորդ Մուշեղ արք. Մարտիրոսեան Կիրակի, 9 Դեկտեմբերին հանդիսաւոր Ս. պատարագ պիտի մատուցէ Կլենտէյլի Ս. Աստուածածին եկեղեցւոյ մէջ եւ պիտի ուղղէ իր պատգամը։ Արարողութեան հրաւիրուած են թեմի ծաղկումին իրենց բաժինը բերած նախկին եւ ներկայի սպասարկուներ, ժողովականութեան անդամներ եւ բարերարներ, ինչպէս նաեւ հաւատացեալ ժողովուրդը։

Յաւարտ Ս. պատարագի, հոգեհանգիստ պիտի կատարուի թեմի բոլոր ծառայողներուն ու բարերարներուն յիշատակին։

 

ԵՐԿՐԱՇԱՐԺԻ ԶՈՀԵՐՈՒՆ ՅԻՇԱՏԱԿԻՆ

 

Նկատի ունենալով, որ 7 Դեկտեմբերը 30րդ տարեդարձն է Հայաստանի աղէտալի երկրաշարժին, առաջնորդ սրբազանին տնօրինումով՝ Կիրակի, 9 Դեկտեմբերին, թեմի բոլոր եկեղեցիներուն մէջ հոգեհանգիստ տեղի պիտի ունենայ զոհերուն հոգիներուն համար, նաեւ աղօթք պիտի բարձրացուի ի խնդիր բացուած վէրքերուն ամոքումին։

«Կը հրաւիրենք մեր ժողովուրդը մասնակցելու տօնական արարողութեան եւ յարգանքով խոնարհելու երկրաշարժի զոհերուն ու մեր թեմին ծառայողներուն յիշատակին», նշուած է առաջնորդարանին յղած հաղորդագրութեան մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top