Հայաստանի Կառավարութիւնը Պահեստազօրի Սպայական Կազմի Զօրակոչ Պիտի Յայտարարէ

1206draft

1206draft

ԵՐԵՒԱՆ.- Հայաստանի կառավարութիւնը պիտի յայտարարէ Դեկտեմբեր 2018ին Հայաստանի Հանրապետութեան զինուած ուժերու պահեստազօրի սպայական կազմին մէջ արձանագրուած՝ մինչեւ 35 տարեկան արական սեռի բժիշկ-մասնագէտներու պարտադիր զինուորական ծառայութեան զօրակոչ (պահեստազօրի սպայական կազմի զօրակոչ)՝ ծառայութեան ժամկէտը սահմանելով երկու տարի:

Ըստ «Արմէնփրէս»ի՝ այս մասին որոշումին նախագիծը ընդգրկուած էր կառավարութեան 6 Դեկտեմբերի նիստի օրակարգին վրայ:

Նշեալ որոշումով պիտի սահմանուի պահեստազօրի սպայական կազմի զօրակոչի ենթակայ անձերու քանակը՝ մինչեւ 70 բժիշկ-մասնագէտ:

Պահեստազօրի սպայական կազմի զօրակոչի ծիրին մէջ, մինչեւ 31 Դեկտեմբեր 2018 ներառեալ պիտի զօրացրուին «Զինուորական ծառայութեան եւ զինծառայողի կարգավիճակի մասին» օրէնքով սահմանուած ժամկէտի մէջ պահեստազօրի սպայական կազմի պարտադիր զինուորական ծառայութիւն անցած զինծառայողները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top