Արժոյթի Միջազգային Հիմնարկի Գործադիր Խորհուրդը Հայաստանի Ելեւմտական Համակարգը Գնահատած Է Կայուն

1208IMF

1208IMF

2018ին իրականացած Հայաստանի ելեւմտական համակարգի կայունութեան գնահատման (FSAP) մէջ, Արժոյթի միջազգային հիմնարկի (ԱՄՀ) գործադիր խորհուրդը Հայատանի ելեւմտական համակարգը գնահատած է կայուն: Ըստ Հայաստանի կեդրոնական դրամատան հասարակայնութեան հետ կապերու ծառայութեան՝ 2012էն ի վեր ամրապնդուած է ելեւմտական համակարգին կայունութիւնը, որուն նպաստած են Հայաստանի Կեդրոնական դրամատան կողմէ ձեռնարկած շարք մը քայլեր: Նոյն ժամանակ, բարելաւում նկատուած է Դրամատնային վերահսկողութեան բազելեան հիմնարար սկզբունքներուն Հայաստանի դրամատնային համակարգի կարգաւորման եւ վերահսկողական գործընթացներու համապատասխանութեան մէջ:

Ըստ ԱՄՀ գործադիր խորհուրդի գնահատման՝ Հայաստանի դրամատնային համակարգը ունակ եղած է դիմակայելու 2014ի տնտեսական անկման հետեւանքները՝ բաժնետէրերու կողմէ ներդրուած լրացուցիչ դրամագլուխի, շարք մը միաձուլումներու, վերահսկողութեան եւ կարգաւորման գործընթացներու բարելաւման շնորհիւ: ԱՄՀի գործադիր խորհուրդը ընդգծած է, որ ներկայիս ելեւմտական համակարգի ցուցանիշները կը դրսեւորեն դրական զարգացման միտումներ. բոլոր դրամատուները կը համապատասխանեն 12 տոկոս նուազագոյն դրամագլուխի պահանջներուն, դրամատնային համակարգին մէջ չաշխատող վարկերը նուազած են, դրամատուներու եկամտաբերութեան ցուցանիշները կը վերականգնին, սակայն դեռ չեն հասած նախաճգնաժամային ցուցանիշին:

Խորհուրդը ողջունած է ելեւմտական համակարգի կայունութեան եւ զարգացման մէջ արձանագրուած յառաջընթացը՝ կարեւոր համարելով տոլարի վերածելու մակարդակի նուազեցման եւ վտանգաւոր քայլերու վրայ հիմնուած վերահսկողութեան ներդրման վերաբերեալ քայլերու շարունակականութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top