Արցախի Մէջ Յարգանքի Տուրք Մատուցուեցաւ Սպիտակի Երկրաշարժի 30րդ Տարելիցին Առթիւ

1208artsakhrespect

1208artsakhrespect

Սպիտակի 1988ի երկրաշարժի 30րդ տարելիցին առիթով, Ուրբաթ օր, Ստեփանակերտի քաղաքային յուշահամալիրը այցելեցին բազմաթիւ քաղաքացիներ՝ իրենց յարգանքի տուրքը մատուցելու անմեղ զոհերու յիշատակին:

Ըստ «Արցախփրէս»ի թղթակիցին՝ յուշահամալիր այցելեցին Արցախի նախագահ Բակօ Սահակեան, Ազգային ժողովի նախագահ Աշոտ Ղուլեան, պետական նախարար Գրիգորի Մարտիրոսեան, պաշտօնատար այլ անձեր, զանազան գերատեսչութիւններու, կազմակերպութիւններու եւ կրթական հաստատութիւններու անդամներ, որոնք ծաղիկներ եւ ծաղկեպսակներ խոնարհեցին երկրաշարժի զոհերուն յիշատակը յաւերժացնող  յուշակոթողին:

Արցախի թեմի առաջնորդ Պարգեւ արք. Մարտիրոսեանի հանդիսապետութեամբ կատարուեցաւ երկրաշարժի զոհերուն նուիրուած հոգեհանգստեան արարողութիւն:

1208artsakhrespect1

Պարգեւ արք. Մարտիրոսեան իր խօսքին մէջ ըսաւ, որ 30 տարի առաջ տեղի ունեցածը մեծ ողբերգութիւն էր հայ  ժողովուրդին համար: «Այսօր մեր յարգանքի տուրքը կը մատուցանենք անոնց յիշատակին: Մենք Արցախէն հոգիով կը միանանք այդ աղէտալի երկրաշարժին հետեւանքով զոհուածներու հարազատներուն՝ սփոփելով անոնց ծանր վիշտը», յայտնեց Արցախի թեմի առաջնորդը:

Տեղեկացնենք, որ Սպիտակի երկրաշարժի 30րդ տարելիցին նուիրուած յիշատակի ձեռնարկներ տեղի ունեցան Արցախի բոլոր շրջաններուն մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top