Թամ Քաթինա Դարձաւ «Օրորա»ի Նախագահ 

1213tomkatinan

1213tomkatinan

Ամերիկացի բժիշկ, կաթոլիկ միսիոներ Թամ Քաթինա նշանակուեցաւ «Օրորա» մարդասիրական նախաձեռնութեան նախագահ: Նշանակման մասին ազդարարուեցաւ Պերլինի մէջ տեղի ունեցած «Օրորա Տայալակ»ի (Aurora Dialogues) քննարկումներուն ընթացքին:

Թամ Քաթինայի գործունէութեան շրջանակը կը ներառէ ոլորտի կարեւոր ներկայացուցիչներու ներգրաւումը, աշխատանքը աշխարհասփիւռ գործընկերներու հետ, «Օրորա»ի կրթական եւ հանրային իրազեկման նախագիծերու ղեկավարումը՝ ներառեալ միջազգային ճանաչում ունեցող «Օրորա» մրցանակը:

Մայիս 2017ին, բժիշկ Քաթինա «Օրորա» մրցանակի դափնեկիր հռչակուեցաւ՝ Նուպա լեռներուն մէջ իր անձնուրաց աշխատանքին համար:

«Մենք շատ ուրախ ենք ողջունելու նախաձեռնութեան առաջին նախագահը: Թամ Քաթինան իրապէս կը մարմնաւորէ «Օրորա»ի ոգին, որ շարժիչ ուժը պիտի ըլլայ, օգնելով մեզ՝ մեր մարդասիրական առաքելութիւնը տեղ հասցնելու եւ երախտագիտութիւն յայտնելու անոնց, որոնք դրական փոփոխութիւն կը բերեն: Հաճելի է, որ 2017ի «Օրորա» մրցանակի դափնեկիրը այս կազմակերպութեան առաջին նախագահը դարձաւ», կ՛ըսուի «Օրորա» նախաձեռնութեան համահիմնադիրներու յայտարարութեան մէջ:

«Ինծի համար մեծ պատիւ է գլխաւորել «Օրորա» մարդասիրական նախաձեռնութիւնը: Ես երախտապարտ եմ այն ազդեցութեան համար, որ «Օրորա» մրցանակը ունեցաւ իմ կեանքիս մէջ, ինչպէս նաեւ «Գթութեան մայր» հիւանդանոցին տրամադրուած նիւթական աջակցութեան համար, որ Սուտանի մէջ օգնեց փոխակերպել Նուպայի ժողովուրդին կեանքը: Ես կը հաւատամ այսօրուան կարեւոր մարտահրաւէրներուն ուղղուած մարդասիրութեան պարզ, բայց հզօր ուժին եւ իմ նոր դերին մէջ հաւատարիմ պիտի մնամ «Երախտագիտութիւնը՝ ի գործ» գաղափարին՝ սատարելով «Օրորա»ին՝ օգնութեան ձեռք մեկնելու անոնց, որոնք կարիքը ունին իրենց ապագան ստեղծելու», յայտնեց Թամ Քաթինա:

«Օրորա»ի ղեկավարութեան մէջ եւս մէկ փոփոխութիւն կատարուած է. նախաձեռնութեան գործառնութիւններու տնօրէն նշանակուած է Հայոց Ցեղասպանութեան թանգարան-հիմնարկի նախկին տնօրէն Հայկ Դեմոյեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top