Թրամփի Նախկին Փաստաբանը  36 Ամսուան Բանտարկութեան Դատապարտուեցաւ

1213france

1213france

ՆԻՒ ԵՈՐՔ, «Պի.Պի. Սի.».- Չորեքշաբթի, 12 Դեկտեմբերին, Նիւ Եորքի ատեան մը 36 ամսուան բանտարկութեան դատապարտեց Միացեալ Նահանգներու նախագահ Տանըլտ Թրամփի նախկին փաստաբան Մայքըլ Քոհընը, որ ընդունած էր, թէ 2016ի նախագահական ընտրութիւններուն ընթացքին, հետեւելով նախագահին ցուցմունքներուն՝ խախտած է երկրին ընտրական օրէնքները եւ Քոնկրեսին սուտ խօսած է։

Դատաւոր Ուիլեըմ Փօլի շեշտեց, թէ Քոհընի տկարութիւնը այն եղած է, որ «կուրօրէն հաւատարիմ մնացած է Տանըլտ Թրամփին», որ զինք խրատած է «երթալ մութի ճամբաներով, լուսաւորներուն փոխարէն»։

Քոհընի պատիժը մեղմացած էր Ռուսիոյ հետ Թրամփի ընտրապայքարին գործակցութիւնը հետապնդող յատուկ դատախազին հետ գործակցելու անոր որոշումին շնորհիւ։

Կը թուի, թէ Թրամփ արդէն իսկ սկսած է իր ինքնապաշտպանութեան՝ իրեն յատուկ ոճով, պնդելով, որ զինք պաշտօնազրկելու որոշում մը ժողովուրդին կողմէ ապստամբութեան պիտի առաջնորդէ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top