Մարուգամէ Ուդոն՝ Ճապոնական Նոր Ճաշասրահ Գլենդելում

0103udon

0103udon

ՆԱՆԷ ԱՒԱԳԵԱՆ

 

Գլենդելում բացուել է ճապոնական արագ սննդի լաւագոյն ճաշասրահներից մէկը՝ Մարուգամէ Ուդոնը (Marugame Udon), որ մասնագիտացած է սանուկի ուդոն կոչուող լապշայի արգանակ պատրաստելու գործում: Նշուած կերակրատեսակի՝ աշխարհում ամենամեծ ցանցն ունեցող այս ճաշասրահը Դեկտեմբերի 20ից գործում է «Գլենդե՛լ Գալերիայում»:

Ժամանակակից սրճարանի ոճով ստեղծուած սրահի խոհանոցը բաց է, եւ յաճախորդները կարող են հետեւել, թէ ինչպէս է պատուերի դէպքում տեղում հունցւում եւ եփւում իրենց ագարակը: Այն մատուցւում է տարբեր յաւելումներով: Լապշան պատրաստւում է Ճապոնիայից ներմուծուած յատուկ սարքերով՝ փոխանցելով աւանդական համը:

Մարուգամէ Ուդոնն առաջարկում է նաեւ այլ ճաշատեսակներ, այդ թւում՝ հաւի, ձկան, ծովախեցգետինների, բանջարեղէնների տեմպուրաներ: Գները մատչելի են:

0103udon22

Ճաշասրահի բացման արարողութեանը, մարքեթինգի հարցերով համակարգող Մաքոթօ Սմիթը հայ համայնքին հրաւիրեց համտեսելու Ճապոնական խոհանոցի ամենաընդունուած կերակրատեսակներից մէկը՝ Լոս Անջելեսում արագ սննդի ոլորտում լաւագոյնը համարուող Մարուգամէ Ուդոնում: Այս վայրում իրապէս առաջարկւում են նոր համեր՝ հաճելի եւ մաքուր միջավայրում:

Տեղեկանք: Ուդոնը (Udon) Ճապոնական խոհանոցում յաճախ օգտագործուող ալիւրից ստացուող հաստ լապշա է, որ մատուցւում է տաք արգանակի տեսքով՝ յայտնի որպէս քեյքէ ուդոն, եւ համեմուած է դաշիով, սոյայի սօուսով եւ միրինով:

0103udon1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top