Արցախի Եւ Հայաստանի Պաշտպանութեան Նախարարները Մասնակցեցան «Սահմանապահ Խաչքար»ի Բացման Արարողութեան

0103army

0103army

ՍՏԵՓԱՆԱԿԵՐՏ, «Արմէնփրէս».- Արցախի Պաշտպանութեան բանակի զինուորներու Ամանորը եւ Սուրբ Ծնունդը շնորհաւորելու նպատակով Արցախ ժամանած Հայաստանի պաշտպանութեան նախարար Դաւիթ Տօնոյեան, Արցախի Պաշտպանութեան բանակի հրամանատար, զօրավար Կարէն Աբրահամեանի ուղեկցութեամբ, 31 Դեկտեմբերին գտնուեցաւ ճակատը պաշատպանող շարք մը զօրամասեր:

Նախքան անձնակազմին հետ հանդիպիլը, հայկական երկու հանրապետութիւններու ռազմական գերատեսչութիւններու ղեկավարները մասնակցեցան Արցախի հարաւային սահմանահատուածի վրայ տեղի ունեցած «Սահմանապահ խաչքար»ի բացման հանդիսաւոր արարողութեան:

Դիրքապահ անձնակազմին հետ ունեցած շփումներուն ընթացքին պաշտպանութեան նախարարները եւ անոնց ուղեկցող բարձրաստիճան զինուորական եւ քաղաքացիական պաշտօնեանները շնորհաւորեցին մարտական հերթապահութիւն կատարող զինուորներուն Նոր Տարին եւ անոնց յանձնեցին ամանորեան նուէրներ, նոյն ժամանակ հետաքրքրուեցան մարտավարական իրավիճակով:

Շրջայցին ընթացքին նախարարները այցելեցին նաեւ Պաշտպանութեան բանակի կեդրոնական ենթակայութեան շարք մը զօրանոցներ, գտնուեցան Ստեփանակերտի կեդրոնական զինուորական հիւանդանոց, ուր հանդիպեցան բուժման մէջ գտնուող զինուորներու եւ անոնց մաղթեցին արագ եւ ամբողջական ապաքինում:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top