Նոր Տարուան Եւ Ս. Ծննդեան Տօներուն Առիթով Փութին Կը Շնորհաւորէ Փաշինեանը

0103nikol-putin

 

0103nikol-putin

Նոր Տարուան եւ Ս. Ծննդեան տօներուն առիթով, Ռուսիոյ նախագահ Վլատիմիր Փութին՝ Հայաստանի Հանրապետութեան վարչապետի պաշտօնակատար Նիկոլ Փաշինեանին յղեց շնորհաւորական ուղերձ մը, որուն մէջ կ՛ըսուի հետեւեալը.

«Յարգելի՛ Նիկոլ Փաշինեան,

Ուրախութեամբ կը շնորհաւորեմ ձեզ Ամանորի եւ Ս. Ծննդեան լուսաւոր տօներուն առիթով:

Ռուսիոյ եւ Հայաստանի յարաբերութիւնները հիմնուած են բարեկամութեան, մշակութային եւ հոգեւոր մտերմութեան բազմադարեան աւանդութիւններու վրայ: Մեր երկիրները կառուցողական համագործակցութեան մեծ փորձառութիւն կուտակած են քաղաքական, առեւտրական, տնտեսական, մարդասիրական եւ միւս մարզերուն մէջ:

Յոյս ունիմ, որ մենք պիտի շարունակենք զարգացնել հայ-ռուսական փոխշահաւէտ կապերը բոլոր ուղղութիւններով: Այդ բոլորը կը համապատասխանեն մեր եղբայրական ժողովուրդներու շահերուն, շրջանային կայունութեան եւ անվտանգութեան ապահովման:

Ձեզի եւ ձեր մտերիմներուն կը մաղթեմ քաջառողջութիւն եւ յաջողութիւն, իսկ Հայաստանի բոլոր քաղաքացիներուն՝ բարօրութիւն, խաղաղութիւն եւ բարգաւաճում»:

Նշենք, որ Փութին շնորհաւորեց նաեւ Հայաստանի նախկին նախագահներ Ռոպերթ Քոչարեանի եւ Սերժ Սարգսեանի Նոր Տարին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top