Պաղեստինցի Կին Մը Եւս Կը Սպաննուի Կազայի Սահմանին Վրայ

 

ԿԱԶԱ, «Ա.Էֆ.Փէ.».- 11 Յունուարին, իսրայէլացի զինուորներ բռնագրաւեալ եւ շրջապատուած մնացող Կազայի սահմանին վրայ 43ամեայ պաղեստինցի կին մը եւս սպաննեցին եւ վիրաւորեցին տասնակ մը ուրիշներ, անցեալ շաբաթ սկսած եւ ամէն Ուրբաթ տեղի ունեցող պաղեստինցիներու ցոյցերուն ընթացքին, որոնց նպատակն է դատապարտել մօտաւորապէս 2 միլիոն պաղետսինցիներու Կազայի մէջ բանտարկուած պահելու իսրայէլեան քաղաքականութիւնը։

Նշենք, որ իսրայէլացի զինուորներ այս ցոյցերուն ընթացքին ցարդ առնուազն 241 պաղեստինցիներ սպաննած են, ներառեալ՝ երեխաներ եւ կիներ։

Միւս կողմէ, Իսրայէլի խորհրդարանի (Քնեսեթի) նախագահ եւ իշխող «Լիքուտ» կուսակցութեան անդամ Եուլի Էտըլշթայն յայտնեց, որ պաղեստինեւիսրայէլեան տագնապի լուծման համար առաջադրուած «երկու պետութիւն» տարազը դարձած է ժամանակավրէպ եւ քաղաքական ներկայ կացութեան չյարմարող:

«Պէտք է հիւսիսային եւ հարաւային ճակատներու վրայ պայքարինք ահաբեկչութեան դէմ՝ համակեցութեան եւ գործակցութեան վրայ մեր աշխատանքին զուգահեռ», ըսաւ ան՝ նշելով. «Երկու պետութիւններու մասին բոլոր այդ յայտարարութիւնները, եւ թէ միակ լուծումը երկու պետութիւններն են, պարզապէս գործի չեն ծառայեր»:

Ան նոյն ժամանակ վերահաստատեց Սուրիոյ մէջ իրանեան որեւէ ներկայութիւն մերժող իր երկրին կեցուածքը:

Քնեսեթի նախագահը յայտնեց, որ «կը շարունակէ Իսրայէլի մէջ հրեաներու եւ արաբներու միջեւ իսկական համակեցութեան կարելիութեան հաւատալ»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top