«Ալիք»ին Նուիրուած Միջոցառում՝ ««Ալիք»ը Իրանահայութեան Հայելին»

0000ALIK

0000ALIK

ԹԵՀՐԱՆ, «Ալիք».- Թեհրանը սիրողների միութեան նախաձեռնութեամբ եւ Թեհրանի քաղխորհրդի համագործակցութեամբ, Չորեքշաբթի, Յունուարի 9ի երեկոյեան, «Ալիք»ին նուիրուած միջոցառում էր կազմակերպուել հետեւեալ խորագրով՝ «Ալիք»ը՝ իրանահայութեան հայելին»:

Միջոցառումը տեղի ունեցաւ «Աստարա» կինօդահլիճում: Նախ միութեան նախագահ Մանիին շնորհաւորելով Ամանորը եւ Յիսուս Քրիստոսի Ս. Ծնունդը, ընդգծեց, որ միութեան նպատակն է՝ Թեհրանի նկատմամբ սէր ու կապուածութիւն ստեղծել քաղաքացիների մօտ, իսկ կազմակերպուած ծրագրի նպատակը համարեց «Ալիք»ի ընդիմիջից հայրենակիցներին ծանօթացնել իրանահայութեանը:

Ապա հրաւիրուեցին «Ալիք»ի կայքէջի պատասխանատու Արամ Շահնազարեանը եւ համալսարանի դասախօս Գրիգոր Ղազարեանը, ովքեր անդրադարձան 88ամեայ «Ալիք»ի անցած ուղուն, Իրանում իրանահայութեան, ի մասնաւորի՝ Թեհրանի հայ համայնքի պատմական տուեալներին, միութիւնների ներկայ պայմաններին ու աշխատանքներին եւ Իրանի գիտական, մշակութային, քաղաքական ու հասարակական ասպարէզներում իրականացրած ներդրումներին:

Զրուցակիցները կարեւորութեամբ անդրադարձան «Ալիք»ի ժամանակի խմբագիր եւ հետագայում Իսլ. խորհրդարանում Թեհրանի եւ հիւսիսային իրանահայութեան առաջին պատգամաւոր հանգուցեալ Հրայր Խալաթեանի՝ այդ օրերին իրականացրած նախաձեռնութիւններին:

Հանդիպման աւարտին ելոյթով հանդէս եկաւ Թեհրանի Քաղխորհդի անդամ Նազարին, որտեղ կարեւորեց «Ալիք»ի դերակատարութիւնը թէ՛ որպէս լրատուական միջոց եւ թէ փոխադարձ կապերի առումով եւ առաջարկեց՝ «Ալիք»ը գրանցուի որպէս իրանցիների ազգային ժառանգութեան միաւոր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top