Նոյեմբերին Սուրիոյ Մէջ Զոհուած Է Ռուսիոյ Բանակին Մէջ Ծառայող Հայ Զինուոր Անդրանիկ Առուստամեան

0000SYRIA

 

0000SYRIA2 Նոյեմբերին, Սուրիոյ Տէր Զօր շրջանին մէջ, ականի մը պայթումէն զոհուած է Ռուսիոյ բանակին մէջ ծառայող, կրտսեր յիսնապետ (սերժան) Անդրանիկ Առուստամեան:

Յայտնենք, որ դէպքին մասին Ռուսիոյ պաշտպանութեան նախարարութիւնը տակաւին տեղեկութիւն չէ փոխանցած:

Դէպքի մասին իմացած է «Պի.Պի. Սի.»ի ռուսական ծառայութիւնը, որուն թղթակիցը ներկայ եղած է զինուորի յուղարկավորութեան եւ զրուցած հարազատներուն հետ, կը յայտնէ «Ռազմ.ինֆօ»ն:

Առուստամեան կը ծառայէր Ռուսական բանակի 21րդ մեքենահրաձգային ջոկատին մէջ եւ արդէն մէկ անգամ գործուղուած էր Սուրիա: Երկրորդ գործուղումը մեկնարկած էր նախորդ տարուան Հոկտեմբերին: Մէկ ամիս ետք՝ 2 Նոյեմբերին, ան զոհուեցաւ ռազմակայանի հսկիչ անցակէտին մօտ ականի մը պայթումին հետեւանքով (ականները տեղադրուած էին կայանին պաշտպանութեան համար):

Դէպքին վերաբերեալ լրատուամիջոցը հարց ուղղած է Ռուսիոյ պաշտպանութեան նախարարութեան, սակայն տակաւին պատասխան չէ ստացած։

Նշենք, որ Ռուսիոյ մէջ, խաղաղ պայմաններու մէջ, յատուկ գործողութիւններու ընթացքին զոհուածներու մասին տեղեկութիւնը կը համարուի պետական գաղտնիք: Ընդ որում, այդ օրէնքը ընդունած են Սուրիա զօրախումբ ուղարկելէ առաջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top