Սփիւռքի Համար Կարեւոր Է Նախարարութիւն Ունենալը. Արամ Ա.

0112aram

0112aram

Մեծի Տանն Կիլիկիոյ կաթողիկոս Արամ Ա. OTV-ի պատկերասփիւռի կայանին հետ ունեցած հարցազրոյցի մը ընթացքին անդրադարձաւ Հայաստանի սփիւռքի նախարարութեան՝ յոյս յայտնելով, որ նոր կառավարութեան աշխատանքներուն մէջ առաջնային պիտի ըլլայ Սփիւռքը:

Կաթողիկոսը նշեց, որ սփիւռքի նախարարութեան լուծարման մասին լուրը սփիւռքահայութեան մէջ կը դիտուի իբրեւ Սփիւռքի վերաբերեալ ոչ բարենպաստ որոշում:

Արամ Ա. ընդգծեց, որ Սփիւռքի համար կարեւոր է ունենալ սփիւռքի նախարարութիւն՝ աւելցնելով, որ անցեալ տարիներուն նախարարութիւնը հսկայական գործ ըրած է ու պէտք է գնահատել զայն:

«Կարեւոր համարելով սփիւռքի նախարարութեան գոյութեան ռազմավարական իմաստը՝ միաժամանակ, պէտք է նկատի ունենալ, որ երբեմն խորհրդանշական իմաստը աւելի կենսական է, քան ռազմավարականը կամ քաղաքականը», ըսաւ Արամ Ա.։

Ըստ վեհափառին՝ Սփիւռքի սպասելիքները մեծ են, որ սփիւռքի նախարարութիւնը պիտի շարունակէ գործել։ Ան ըսաւ, թէ Սփիւռքի դուրս մղումը կառավարութեան կազմէն կրնայ բացասական անդրադարձ ունենալ Սփիւռքի մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. S. Dermelkoniann said:

    All Diaspora Representing Office in Armenia could solve, Faster, on spot than traveling minister each country for the
    same request.

*

Top